Նորություններ

Շնորհավո՛ ր Գիտելիքի և դպրության օր

01.09.2026

 Սիրելի՛ աշակերտներ, ուսուցիչներ, մանկավարժներ, կրթության ոլորտի ներկայացուցիչներ,
ՀՀ ԿԳՄՍՆ կրթական ծրագրերի կենտրոն ԾԻԳ-ը շնորհավորում է Գիտելիքի և դպրության օրվա առթիվ՝ մաղթելով նոր ուսումնական տարվա արդյունավետ, ստեղծագործ և հաջողություններով լի մեկնարկ։
Սեպտեմբերի 1-ը կրթության կարևորությունն արժևորելու, նոր նպատակներ սահմանելու և ապագայի նկատմամբ մեր պատասխանատվությունը վերահաստատելու խորհրդանշական օրն է։ Կրթության զարգացումը մեր երկրի կայուն և երկարաժամկետ առաջընթացի կարևորագույն նախապայմաններից է, իսկ որակյալ կրթության հիմքում գիտելիքի հետ մեկտեղ նաև ժամանակակից, անվտանգ և հասանելի կրթական միջավայրն է։
Այս տեսլականով ՀՀ ԿԳՄՍՆ կրթական ծրագրերի կենտրոն ԾԻԳ-ի գործունեության կարևոր ուղղություններից է կրթական ենթակառուցվածքների շարունակական զարգացումը և արդիականացումը։ Դպրոցների հիմնանորոգումն ու նոր դպրոցների կառուցումը, նախակրթարանների ստեղծումն ու նախադպրոցական կրթության հասանելիության ընդլայնումը, ինչպես նաև բուհերում ժամանակակից կրթական և հետազոտական ենթակառուցվածքների ձևավորումը: Ժամանակակից դպրոցը պարզապես կրթություն ստանալու վայր չէ։ Այն միջավայր է, որտեղ երեխան պետք է իրեն զգա անվտանգ, ներգրավված և ոգեշնչված, որտեղ կրթական տարածքը նպաստում է սովորելու, ստեղծագործելու, համագործակցելու և սեփական ներուժը բացահայտելու հնարավորությանը։ Այդ իսկ պատճառով կրթական ենթակառուցվածքների զարգացումը դիտարկվում է ոչ միայն որպես շենքերի վերանորոգման կամ կառուցման գործընթաց, այլև որպես ժամանակակից կրթական միջավայրի ձևավորման կարևոր բաղադրիչ։ Նույնքան կարևոր է նախադպրոցական կրթության զարգացումը։ Նախակրթարանների ստեղծումն ու դրանց հասանելիության ընդլայնումը հնարավորություն են տալիս վաղ տարիքից ապահովել երեխայի կրթական, սոցիալական և ստեղծագործական կարողությունների զարգացման համար անհրաժեշտ պայմաններ՝ ամուր հիմք ստեղծելով հետագա ուսումնառության համար։ Մեր նպատակն է ստեղծել այնպիսի կրթական միջավայր, որտեղ նորարարությունը համադրվում է գիտելիքի, արժեքների և պատասխանատու քաղաքացիության ձևավորման հետ։ Կրթությունը սկսվում է դպրոցից, շարունակվում ամբողջ կյանքի ընթացքում և նոր հնարավորություններ է ստեղծում յուրաքանչյուր մարդու և ամբողջ հասարակության համար։ Թող յուրաքանչյուր հիմնանորոգված կրթական հաստատություն, յուրաքանչյուր նոր նախակրթարան և բուհական նոր ենթակառուցվածք իր հերթին դառնա գիտելիքի, զարգացման և նոր հնարավորությունների տարածք։
Թող նոր ուսումնական տարին լինի ժամանակակից կրթության, նորարարության, գիտելիքի և հաջողությունների տարի
Շնորհավոր Գիտելիքի և դպրության օրը։
ՀՀ ԿԳՄՍՆ կրթական ծրագրերի կենտրոն ԾԻԳ

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...