Նորություններ
«Կրթության որակի ապահովում» ծրագրի շրջանակում վերապատրաստվում են «Քիմիա», «Ֆիզիկա», «Կենսաբանություն», «Աշխարհագրություն» և «Տեղեկատվական տեխնոլոգիաներ» առարկաների ուսուցիչներ
10.07.2026
Կրթության որակի բարձրացման կարևորագույն միջոցներից մեկը ուսուցիչների մասնագիտական զարգացումն է, որը խթանում է ուսուցման գործընթացի արդյունավետությունը։ Ըստ պետական բյուջեի մասին օրենքի հավելվածի՝ ըստ ծրագրերի և միջոցառումների «Կրթության որակի ապահովում» ծրագիրը ներառում է ուսուցիչների վերապատրաստմանն ուղղված մի շարք միջոցառումներ, որոնք նպատակ ունեն ապահովել հանրակրթական հաստատություններում աշխատող մանկավարժների մասնագիտական աճը։ Վերապատրաստման ծրագրերից մեկը ուղղված է «ՀՀ պետական դպրոցների ԲՏՃՄ առարկաներ դասավանդող ուսուցիչների վերապատրաստում` նոր ստանդարտներին համապատասխան» միջոցառմանը։ Միջոցառումը ներդրվել է 2024թ․-ին, նպատակն է՝ ԲՏՃՄ առարկաներ դասավանդող ուսուցիչների վերապատրաստումը՝ նոր ստանդարտներին համապատասխանելը։
«Կրթական ծրագրերի կենտրոն» ԾԻԳ-ի կողմից իրականացվող 5-օրյա դասընթացի ընթացքում ուսուցիչները ծանոթանում են բնագիտական նոր լաբորատորիաներում առկա սարքավորումների գործարկման և տեխնիկական սպասարկման կանոններին՝ դրանց արդյունավետ օգտագործման նպատակով:
Ծրագրի շրջանակում վերապատրաստվում են «Քիմիա», «Ֆիզիկա», «Կենսաբանություն», «Աշխարհագրություն» և «Տեղեկատվական տեխնոլոգիաներ» առարկաների ուսուցիչներ:
Վերոնշյալ ծրագրի շրջանակում հունիս- հուլիս ամիսներին վերապատրաստումներ են իրականացվել ՀՀ Կոտայքի և Արարատի մարզերում ,վերապատրաստվել ենք շուրջ 553 ԲՏՃՄ առարկաներ դասավանդող ուսուցիչներ:
«Կրթական ծրագրերի կենտրոն» ԾԻԳ-ի աշխատակիցները մշտապես հետևում են վերապատրաստումների ընթացքին:Նշենք, որ բնագիտական և տեխնոլոգիական առարկաների դասավանդման որակի բարելավումը ՀՀ կառավարության ծրագրի կարևոր ուղղություններից է: Այս համատեքստում կարևոր է դպրոցներում անհրաժեշտ ենթակառուցվածքների ապահովումը, որը իրականացվում է ՝
«Լաբորատորիաների հագեցվածությունը հնարավորություն է տալիս իրականացնել գործնական աշխատանքներ՝ առարկայական նոր չափորոշիչներին և ծրագրերին համապատասխան: Վստահ ենք՝ այս վերապատրաստումները կօգնեն հնարավորինս մանրամասն ու մանրակրկիտ ծանոթանալ լաբորատորիաների կառուցվածքին, ինչպես նաև ստանալ անհրաժեշտ գիտելիքներ ու հմտություններ, որոնք թույլ կտան լաբորատոր աշխատանքներն իրականացնել ավելի արդյունավետ, - ընդգծել է ծրագրի համակարգող Հարություն Ղարիբջանյանը : Նա վստահություն է հայտնել՝ համատեղ աշխատանքի արդյունքում կրթության որակի էական բարելավում է արձանագրվելու: Հավելենք , որ ԲՏՃՄ առարկաներ դասավանդող ուսուցիչների վերապատրաստումները շարունակական բնույթ են կրելու :
