Նորություններ
Կրթական ծրագրերի կենտրոն ԾԻԳ-ի ներկայացուցիչները այցեր են իրականացրել հիմնանորոգվող ավագ դպրոցներում
12.08.2025
Օգոստոսի 11-ին ԿԾԿ ԾԻԳ-ի ներկայացուցիչները այցելելեն Երևանի Կ.Դեմիրճյանի անվան թիվ 139 և ՀՀ Արարատի մարզի Արտաշատի ավագ դպրոցներ։ Այցելությունների համատեքստում էր Համաշխարհային բանկի համաֆինանսավորմամբ «Կրթության բարելավման լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների մշտադիտարկումը։ Այցերն իրականացնում էին Կրթական ծրագրերի կենտրոն ԾԻԳ-ի բնապահպան խորհրդատու Աննա Կարապետյանը և ԿԾԿ ԾԻԳ-ի 1.2 ենթաբաղադրիչի ղեկավար Գ. Բաղդասարյանը։ ԿԾԿ ԾԻԳ-ի աշխատանքային խմբի այցը մեկնարկել է Արտաշատի ավագ դպրոցում: Այս ավագ դպրոցն այն 4 ավագ դպրոցներից է, որոնք հիմնանորոգվում են «Կրթության բարելավման լրացուցիչ ֆինանսավորում» վարկային ծրագրի շրջանակներում: Աշխատանքային խումբը հանդիպել է շինարարների հետ և քննարկել շենքի սեյսմակայուն ամրացման և ընդհանուր հիմնանորոգման աշխատանքների հետ կապված հարցեր: Հաջորդ կանգառը Երևանի Կ. Դեմիրճյանի անվան թիվ 139 դպրոցն էր, որը ծրագրի շրջանակում հիմնանորոգվելու է մինչև 2026 թվականի հունիս: Նշենք, որ «Կրթության բարելավման լրացուցիչ ֆինանսավորում» վարկային ծրագրի շրջանակում վերակառուցման աշխատանքներ են ընթանում ևս 2 ավագ դպրոցներում՝ Վանաձորում և Աշտարակում։ Այցելությունների ընթացքում ԾԻԳ-ի ներկայացուցիչները ուսումնասիրել են շինարարական աշխատանքների որակը։ Նրանք շրջել են շինհրապարակով, քննարկել շինարարական աշխատանքներին վերաբերող մի շարք հարցեր: Այցի ընթացքում ԿԾԿ ԾԻԳ-ի ներկայացուցիչները նշել են, որ շենքերի ամրացման աշխատանքներն ավարտված են։ Ընթանում են ներքին հարդարման և տարածքի բարեկարգման աշխատանքները:Այցի ընթացքում քննարկվել են նաև տարածքի բարեկարգման հետ կապված մի շարք հարցեր:
