Նորություններ

Մշտադիտարկում Երևանի Մ. Հերացու անվան պետական բժշկական համալսարանում

01.08.2025

Հուլիսի 24-ին աշխատանքային այցով Երևանի Մ. Հերացու անվան պետական բժշկական համալսարանում (ԵՊԲՀ) էին «Կրթական ծրագրերի կենտրոն›› ԾԻԳ-ի ներկայացուցիչները: Հանդիպմանը մասնակցում էին նաև ԿԾԿ ԾԻԳ-ին ԵՊԲՀ-ի դրամաշնորհային ծրագրի ընթացքում մասնագիտական աջակցություն ցուցաբերող անհատ խորհրդատուններ՝ Կ. Թռչունյանը և Գ. Մարգարովը: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ծրագրի ամփոփիչ մշտադիտարկումն էր: ԵՊԲՀ-ի կողմից իրականացվող դրամաշնորհային ծրագրի ղեկավար, գիտության գծով պրոռեկտոր պրոֆեսոր Կ. Ենկոյանը ներկայացրեց ՆՄՀ շրջանակներում հիմնվող Ուղեղի վիզուալիզացիայի լաբորատորիայի ստեղծման աշխատանքները: Նշենք, որ Երևանի Մ. Հերացու անվան պետական բժշկական համալսարանում ժամանակակից և հզոր ուղեղի վիզուալիզացիայի լաբորատորիա է ստեղծվում, որը միավորելով գերժամանակակից մանրադիտարկման, բջջային հաշվարկի, լրացված ու վիրտուալ իրականության առանձնահատկությունները, հնարավորություն կընձեռի համակողմանիորեն պատկերավորել գլխուղեղի բջջային ճարտարագիտությունը՝ համալրելով այն զգայական ներգրավվածությամբ: Այցի ընթացքում ԿԾԿ ԾԻԳ-ի մասնագիտական խորհրդատու Կ.Թռչունյանը բուհի ներկայացուցիչների հետ դիտարկեց դրամաշնորհային ծրագրի շրջանակներում ձեռքբերված լաբորատոր սարքավորումներն ու պարագաները, դրանց համապատասխանությունը պայմանագրով սահմնաված տեխնիկական բնութագրերին, քննարկեց լաբորատոր սարքավորումների հնարավորությունները, իսկ մշակված ծրագրի գործիքակազմն ու ծրագրի տեխնիկական առաջադրանքին համապատասխանությունը դիտարկվեց Գ. Մարգարովի կողմից: Պրոֆեսոր Կ. Ենկոյանը ներկայացրեց, որ «Ուղեղի վիզուալիզացիայի լաբորատորիա» դրամաշնորհային ծրագրի շրջանակներում նախատեսված լրացված և վիրտուալ իրականության ծրագրային փաթեթով ստեղծվել է վիրտուալ իրականության «Ընդգրկուն կոգնիտիվ սուպերմարկետ» ծրագիրը, որը փորձարկվել է տարբեր տարիքի անձանց կոգնիտիվ ֆունկցիաները գնահատելու նպատակով: ՎԻ սուպերմարկետն ուղղված է անհատի կոգնիտիվ տարբեր ֆունկցիաների գնահատմանը, ինչպիսիք են ճիշտ կողմնորոշումը, հիշողությունը, ճանաչողությունը և այլն: Այն 3D սուպերմարկետ է վիրտուալ իրականության մեջ՝ ներառելով իրական կյանքում առկա սուպերմարկետի պարամետրերը: Ծրագիրը կարող է դառնալ ԵՊԲՀ «ՔՈԲՐԵՅՆ» ուղեղի հիմնարար հետազոտությունների գիտակրթական կենտրոնի մտավոր սեփականությունը և ունի առևտրայնացման իրական հնարավորություն:
‹‹Այս առանձնահատուկ և նորարարական ծրագրի ստեղծումը և հետագա կիրառումը կարող է լայն հնարավորություններ բացել Ալցհեյմերի հիվանդության և կոգնիտիվ խանգարումներով ուղեկցվող այլ հիվանդությունների վաղ ախտորոշման, դրանց զարգացման մոնիթորինիգի և բուժման արդյունավետության գնահատման համար››,- հավելեց պրոֆեսորը:

 Ուղեղի վիզուալիզացիայի լաբորատորիան լիարժեք կգործի նոր ուսումնական տարվանից: Հավելենք, որ ստեղծվող կենտրոնի հնարավորություններն ուսումնական գործընթացում լավագույնս կիրառելու նպատակով, դրամաշնորհային ծրագրի շրջանակներում, իրականացվել է  համապատասխան կրթական բովանդակության ստեղծում: Կ. Ենկոյանը նշեց, որ ծրագրի շրջանակում նորմալ անատոմիայի ամբիոնի հետ նախաձեռնել են համատեղ հետազոտական նախագիծ՝ «Նորմալ անատոմիա» առարկայի ուսուցման մեջ որպես օժանդակ միջոց վիրտուալ իրականության մեթոդի կիրառման գնահատումը» թեմայով: Նախագծի նպատակն է գնահատել վիրտուալ իրականության (VR) տեխնոլոգիաների կիրառման արդյունավետությունը նորմալ անատոմիայի դասավանդման գործընթացում: Հետազոտության ընթացքում գնահատվելու է վիրտուալ իրականության ազդեցությունը ուսանողների ըմբռնման, գիտելիքի պահպանման և տարածական կողմնորոշման վրա: Գնահատման հիմքում դրվելու է ավանդական դասավանդման մեթոդների և VR տեխնոլոգիաների ներդրմամբ իրականացվող ուսուցման համեմատությունը։ Նախագծի արդյունավետ իրականացման նպատակով ձեռք է բերվել հասանելիություն Medicalholodeck լրացված և վիրտուալ իրականության հարթակի հնարավորություններին:
‹‹Այսպիսի հնարավորություններով օժտված լաբորատորիայի ստեղծումը կնպաստի ոլորտի թիրախային հետազոտությունների իրականացմանը››, - հավելեց պրոռեկտորը:
 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...