Կրթական ծրագրերի կենտրոն Կրթության, գիտության, մշակույթի և սպորտի նախարարություն

Մարտի 31-ին Հայաստան այցի շրջանակում Համաշխարհային բանկի պատվիրակությունը հանդիպել է ՀՀ ԿԳՄՍՆ ‹‹Կրթական ծրագրերի կենտրոն›› ԾԻԳ-ի աշխատակիցների հետ: Առաքելության կազմում էին Առաջադրանքի թիմի համաղեկավար Շիզուկա Կոնիմոտոն, ՀԲ խորհրդատուներ Սոնյա Մսրյանը, Լուսինե Գրիգորյանը և ՀԲ երևանյան գրասենյակի ճարտարապետ–խորհրդատու Ալեքսանդր Թովմասյանը: Հանդիպման առանցքում ՀԲ-ի կողմից ֆինանսավորվող «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում իրկանացվող աշխատանքների ընթացիկ քննարկումն էր: Հյուրերին ողջունեց ՀՀ ԿԳՄՍՆ ԿԾԿ ԾԻԳ-ի տնօրեն Գրիշա Հովհաննիսյանը: ԿԾԿ ԾԻԳ-ի տնօրենը կարևորեց այս ժամանակահատվածում մեկնարկած և իրականացված աշխատանքների արդյունքների ամփոփումը. «Այսօր կարող ենք խոսել արդյունքներից: Դրանք առաջին հերթին ստացել ենք համատեղ աշխատանքի շնորհիվ»,- փաստեց Գ. Հովհաննիսյանը և շնորհակալություն հայտնեց միջազգային, գործընկերներին շարունակական աջակցության և իրականացված աշխատանքների համար:
Նշենք , որ ապրիլի 1-4-ը ՀԲ ներկայացուցիչները նախատեսում են այցեր իրականացրել մայրաքաղաքում և ՀՀ մարզերում, տեղում ծանոթանալ ծրագրի շրջանակում իրականացվող ընթացիկ աշխատանքներին:
Հանդիպման ընթացքում կողմերն անդրադարձան աշխատանքային և կազմակերպչական տարբեր խնդիրների՝ մասնավորապես քննարկման տիրույթում էր «Կրթության բարելավման ծրագրի լրացուցիչ ֆինանսավորում» վարկային ծրագրի համատեքստում «Հանրակրթության որակի բարելավում» բաղադրիչի թվով 4 ենթաբաղադրիչների և «Աջակցություն Նորարարությունների մրցակցային հիմնադրամի (ՆՄՀ) զարգացմանը» բաղադրիչի գործունեությունը: Հանդիպման ընթացքում բաղադրիչի և ենթաբաղադրիչի ղեկավարները անդրադարձան իրականացված, ընթացիկ և նախատեսվող աշխատանքներին: Կողմերի քննարկման տիրույթում էին նաև ծրագրի ֆինանսավորմանն առնչվող որոշ հարցեր:
Հանդիպման մեկնարկին կողմերն անդրադարձան միկրոծրագրերի իրականացման գործընթացին, մասնավորապես քննարվեցին նախակրթարանների վերանորոգմանն առնչվող որոշ հարցեր: Գ. Հովհաննիսյանը նշեց , որ աշխատում են ԿԳՄՍ և ՏԿԵ նախարարությունների հետ համատեղ: ՀՀ ԿԳՄՍՆ ԿԾԿ ԾԻԳ-ի տնօրենը հավելեց , որ 2024 թվականի սեպտեմբերից մայրաքաղաքում և մարզերում բնականոն գործում են թվով 49 նախակրթարաններ, իսկ ապրիլից՝ թվով 3-ը,այս պահին ընթանում է ևս մեկ միկրոծրագրի իրականացումը:Քննարկման տիրույթում էր նաև վարկային ծրագրով նախատեսվող 4 ավագ դպրոցներում հիմնանորոգման աշխատանքներին առնչվող որոշ հարցեր, ԿԾԿ ԾԻԳ տնօրեն Գ. Հովհաննիսյանը շնորհակալություն հայտնեց ՀԲ–ի ճարտարապետ- խորհրդատուին աջակցության , համատեղ այցերի ու դիտարկումների համար և հավելեց , որ դպրոցներում շինարարական աշխատանքներն այս պահին ընթացքում են, բայց դեռ շատ բան կա անելու: Կողմերը քննարկեցին նաև շինարարական աշխատանքների ժամկետներին առնչվող որոշ հարցեր:
Գ. Հովհաննիսյանը նշեց, որ Հայաստանը նախաձեռնել է կրթական համակարգի հավակնոտ բարեփոխում գիտության, տեխնոլոգիայի, ճարտարագիտության և մաթեմատիկայի (STEM) ուղղությամբ, և այդ բարեփոխման գործընթացում առանցքային դեր ունի հանրակրթական դպրոցների բնագիտական և ինժեներական լաբորատոր սարքավորումների, կահույքի և նյութերի տրամադրումը, որն իրականացվում է 1.5 ենթաբաղադրիչի աշխատանքների շրջանակում:
‹‹Չենք կարող խոսել STEM կրթության մասին՝ առանց դպրոցների համապատասխան ենթակառուցվածքների, լաբորատորիաների առկայության, սակայն կարևոր է նաև բովանդակային կողմը»,- ընդգծեց ՀԲ ներկայացուցիչը: 1.3 ենթաբաղադրիչի ղեկավար Հարութ Ղարիբջանյանը ներկայացրեց ուսուցիչների վերապատրաստման համար մշակված տեսադասերն ու մեթոդական ուղեցույցները , որոնք հասանելի են առացանց ձևաչափով: Նշենք, որ իրականացվող ծրագրի համատեքստում իրականացվում է նաև ուսուցիչների և տնօրենների վերապատրաստում, վերապատրաստման նյութերի մշակում և տրամադրում, ձեռնարկի և ցուցադրական տեսանյութերի հետ մեկտեղ:
ՀԲ ներկայացուցիչը փաստեց, որ տպավորված են արված աշխատանքով ‹‹Սա կարող է որպես հաջողված օրինակ ներկայացվել այլ երկրների համար››,- հավելեց Շիզուկա Կոնիմոտոն :Քննարկվեցին նաև բարձրագույն կրթության ոլորտում «Աջակցություն Նորարարությունների մրցակցային հիմնադրամի զարգացմանը» բաղադրիչի շրջանակներում դրամաշնորհային ծրագրերի իրականացման հետ կապված մի շարք հարցեր:
ՀՀ ԿԳՄՍՆ ԿԾԿ ԾԻԳ-ի աշխատակիցները վստահեցնում են, որ Համաշխարհային բանկի պատվիրակության հետ նման համատեղ քննարկումները կարևոր նախապայման են ծրագրի հետագա արդյունավետ ընթացքի համար: