Նորություններ

Մոնիտորինգային այց Երևանի Մ. Հերացու անվան պետական բժշկական համալսարանում

19.07.2024

 Հուլիսի 17-ին աշխատանքային այցով Երևանի Մ. Հերացու անվան պետական բժշկական համալսարանում (ԵՊԲՀ) էին «Կրթական ծրագրերի կենտրոն›› ԾԻԳ-ի և ԿԳՄՍ նախարարության ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԵՊԲՀ-ի կողմից իրականացվող դրամաշնորհային ծրագրի ղեկավար Գիտության գծով պրոռեկտոր, կենսաքիմիայի ամբիոնի պրոֆեսոր Կ. Ենկոյանը և ծրագրի համակարգող ԵՊԲՀ գիտության վարչության պետ, դոցենտ, բժշկական ֆիզիկայի ամբիոնի վարիչ Ս. Քոչարյանը ներկայացրին ՆՄՀ շրջանակներում հիմնվող Ուղեղի վիզուալիզացիայի լաբորատորիայի ստեղծման ընթացիկ աշխատանքները: Լաբորատորիայի ստեղծումն իրականացվում է դրամաշնորհային ծրագրով սահմանված գործողությունների պլանի համաձայն:Նշենք, որ Երևանի Մ. Հերացու անվան պետական բժշկական համալսարանում ժամանակակից և հզոր ուղեղի վիզուալիզացիայի լաբորատորիա է ստեղծվում, որը միավորելով գերժամանակակից մանրադիտարկման, բջջային հաշվարկի, լրացված ու վիրտուալ իրականության առանձնահատկությունները, հնարավորություն կընձեռի համակողմանիորեն պատկերավորել գլխուղեղի բջջային ճարտարագիտությունը՝ համալրելով այն զգայական ներգրավվածությամբ: Լաբորատորիան օժտված կլինի գլխուղեղի բջիջների ստատիկ և դինամիկ «5D» պատկերման, դեղի, բջջի կամ ներմուծված այլ մասնիկի «առաքումը» գլխուղեղ վիզուալիզացնելու հնարավորությամբ: Այցի ընթացքում ԿԾԿ ԾԻԳ-ի ներկայացուցիչները ԿԳՄՍՆ Բարձրագույն կրթության և գիտության կոմիտեի ներկայացուցչի և բուհի ներկայացուցիչների հետ համատեղ քննարկեցին դրամաշնորհային ծրագրի ժամանակացույցով նախատեսված գործողությունները և դրանց իրականացման ընթացքը: Ներկաներն ամրագրեցին, որ կենտրոնի համար նախատեսված տարածքի ընտրությունը կատարվել է և վերանորոգման աշխատանքները կմեկնարկեն առաջիկայում: Մոնիտորինգային աշխատանքային խմբի անդամները դիտարկեցին դրամաշնորհային ծրագրի շրջանականերում ձեռքբերված համակարգչային, տեսահաղորդակցության համակարգի, ինչպես նաև լրացված և վիրտուալ իրականության սարքավորումները, դրանց համապատասխանությունը պայմանագրով սահմանված պայմաններին, դիտարկվեց ԿԾԿ ԾԻԳ-ի 1.3 բաղադրիչի ղեկավար Հ. Ղարիբջանյանի կողմից: Հավելենք, որ ստեղծվող Կենտրոնի հնարավորություններն ուսումնական գործընթացում լավագույնս կիրառելու նպատակով, դրամաշնորհային ծրագրի շրջանակներում իրականացվել է նաև համապատասխան կրթական բովանդակության ստեղծում ուղղությամբ աշխատանքներ: Դրամաշնորհային ծրագրի համակարգողի հավաստմամբ, մի շարք քայլեր են ձեռնարկվել նաև ԵՊԲՀ-ի կրթական գործընթացի բովանդակության արդիականացման ուղղությամբ: Մասնավորապես, որակապես նոր հարթություն է տեղափոխել Ալցհեյմերի հիվանդությանը և աուտիզմին ուղղված ուսումնասիրությունները, ինչի արդյունքում մեծացել է ԵՊԲՀ հրապարակումների ընդհանուր թվաքանակը Web of Science շտեմարանում, ինչպես նաև ավելացել է հրապարակումները շտեմարանի այնպիսի ոլորտային պարբերականներում, որոնց քառորդը պատկանում է առաջին կամ երկրորդ խմբին: Սա անմիջականորեն նպաստում է ԵՊԲՀ դիրքի բարելավմանը միջազգային վարկանշավորման ցուցակում: Ծրագրի շրջանակներում մշակվում են նոր առարկայական դասընթացներ՝ ուղղված ուղեղի ճանաչման գործընթացում ուղեղի վիզուալիզացիայի, ՎԻ և ԼԻ տեխնոլոգիաների դերին և կիրառությանը, ինչպես նաև մեկնարկել են "PhD in Neuroscience" նոր ասպիրանտական ծրագրի մշակման և ներդրման աշխատանքները: Խոսելով իրազեկման միջոցառումների մասին Կ. Ենկոյանը նշեց, որ բուհի կողմից իրականացվում են դրամաշնորհային ծրագրի նպատակների և արդյունքների մասին իրազեկման միջոցառումները, դրանք կրում են շարունակական բնույթ, և դրանք ուղղված են նեյրոգիտության ոլորտի մասնագիտություների գրավչության բարձրացմանը՝ ապագա ուսանողների, այդ թվում իգական սեռի ապագա ուսանողների, հետազոտողների թվի ավելացմանը:

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...