Նորություններ

ՆՄՀ դրամաշնորհային ծրագրի մշտադիտարկում ՀՊՄՀ-ում

18.01.2024

Հուվարի 17-ին աշխատանքային այցով Խաչատուր Աբովյանի անվան հայկական պետական մանկավարժական համալսարանում (ՀՊՄՀ) էին ՀՀ ԿԳՄՍ նախարարության և ‹‹Կրթական ծրագրերի կենտրոն›› ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ծրագրի ընթացիկ մշտադիտարկումն էր: ԿԾԿ ԾԻԳ-ի ներկայացուցիչները, ԿԳՄՍՆ Բարձրագույն կրթության և գիտության կոմիտեի ներկայացուցչի հետ համատեղ ՀՊՄՀ միջագային համագործակցության գծով պրոռեկտոր, դրամաշնորհային ծրագրի ղեկավար Մ. Հարությունյանի ուղեկցությամբ ծանոթացան ՆՄՀ շրջանակներում հիմնվող ապագա և ներկա ուսուցիչների կարողությունների զարգացմանն ուղղված «Բնագիտություն, տեխնոլոգիա, ճարտարագիտություն և մաթեմատիկա» ոլորտի գերազանցության կենտրոնի ստեղծման ընթացիկ աշխատանքներին:
Ծրագրի իրականացումը մեկնարկել է 2023 թվականի հունիսին, երբ «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում ՆՄՀ դրամաշնորհներ տրամադրվեցին 5 բուհերի: Նշենք, որ ՀՊՄՀ դրամաշնորհային ծրագրի շրջանակներում նախատեսվում է իրականացնել նորարարական գործնական ու հետազոտական հմտություններով և կարողություններով հարուստ մասնագետների պատրաստում և վերապատրաստում ԲՏՃՄ կրթության ոլորտում, որի շրջանակներում նախատեսում է զարգացնել ԲՏՃՄ ոլորտում սովորող ապագա մանկավարժների (ուսանողների) և գործող ուսուցիչների ուսուցչամեթոդական, հետազոտական, և ստեղծագործական հմտությունները՝ ստեղծելով նյութատեխնիկապես վերազինված ժամանակակից գերազանցության կենտրոն, որն իր մեջ կներառի ՀՊՄՀ-ում գործող ֆիզիկայի, կենսաբանության, քիմիայի, աշխարհագրության, տեխնոլոգիայի (ճարտարագիտություն և մաթեմատիկա ներառյալ), ինֆորմատիկայի լաբորատորիաները, կհիմնվի գիտական միջոցառումների և վերապատրաստման ժամանակակից սրահ, մասնագիտական կողմնորոշման և նախնական փորձառության ձևավորման լսարան:
Գերազանցության կենտրոնի ստեղծումը իրականացվում է դրամաշնորհային ծրագրով սահմանված գործողությունների պլանի համաձայն: Մշտադիտարկման ընթացքում ներկաները ծանոթացան լաբարատորիայի համար նախատեսված տարածքին և ամրագրեցին, որ ծրագրի շրջանակներում ձեռք բերված կահույքը մատակարարված է, մեկնարկել է լաբորատոր սարքավորումների ձեռքբերման գործընթացը, հայտարարվել է սարքավորումների ձեռքբերման մրցույթ: Դրամաշնորհային ծրագրի ղեկավարը տեղեկացրեց նաև, որ ծրագրով նախատեսված համակարգչային տեխնիկան ձեռք է բերվել և պահեստավորված է: Մոնիտորինգային այցի մասնակիցների կողմից համակարգչային սարքվորումների և տեխնիկայի դիտարկումը կիրականացվի հաջորդ մոնիտորինգային այցին, երբ դրանք տեղակայված կլինեն համապատասխան տարածքներում։ Ծրագրի ղեկավարի հավաստմամբ լաբորատորիաներն ըստ անհրաժեշտության կհամալրվեն նաև լաբորատոր գույքով(ծորակով լաբորատոր սեղաններ և այլ հարմարանքներ):

Մշտադիտարկման աշխատանքային խմբի անդամներն նշեցին, որ դրամաշնորհային ծրագրի նպատակների և արդյունքների մասին իրազեկման միջոցառումները պետք է լինեն շարունակական, հնարավորիս մատչելի, առավել մանրամասն պետք է ներկայացնել դրամաշնորհային ծրագրի նպատակներն ու ակնկալվող արդյունքները, և այդ միջոցառումները պետք է ուղղված լինեն ԲՏՃՄ ոլորտի մասնագիտություների գրավչության բարձրացմանը՝ ապագա ուսանողների, այդ թվում իգական սեռի ապագա ուսանողների թվի ավելացմանը, ինչպես նաև հետազոտական, գիտական աշխատանքներում իգական սեռի ներկայացուցիչների ներգրավմանը:
 
Հիշեցնենք, որ 2019 թվականից ՀՊՄՀ-ում գործում է մուլտիմեդիոն լաբորատորիան, երկու մուլտիմեդիոն հետազոտական լսարանները, մշակված է նախադպրոցական և տարրական կրթության ոլորտում մասնագետների գործնական ու հետազոտական հմտությունների և կարողությունների զարգացմանն ուղղված էլեկտրոնային հարթակը: Այս ենթակառուցվածքները նույնպես ստեղծվել են ՆՄՀ դրամաշնորհով:
Ներկաները հույս հայտնեցին, որ այս գերազանցության կենտրոնը ևս կներգրավվի իրականացվող հետազոտություններում և կնպաստի բարձր որակավորում ունեցող մանկավարժական կադրերի պատրաստմանը :

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...