Նորություններ

ԵՊԲՀ ՔՈԲՐԵՅՆ կենտրոնում կստեղծվի ուղեղի վիզուալիզացիայի լաբորատորիա

16.12.2023

Երևանի Մխիթար Հերացու անվան պետական բժշկական համալսարանում 2023 թվականի հունիսից մեկնարկել է Ուղեղի վիզուալիզացիայի լաբորատորիա դրամաշնորհային ծրագիրը: Ուղեղի վիզուալիզացիայի լաբորատորիայի ստեղծումն իրականացվում է Համաշխարհային բանկի համաֆինանսավորմամբ, Կրթական ծրագրերի կենտրոն ԾԻԳ-ի աջակցությամբ իրականացվող «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում: Ծրագրի շրջանակներում ԵՊԲՀ «ՔՈԲՐԵՅՆ» ուղեղի հիմնարար հետազոտությունների գիտակրթական կենտրոնում նախատեսվում է ստեղծել լաբորատորիա, որը կվիզուալիզացնի ուղեղի և, մասնավորապես, այն կազմավորող հիմնական էլեմենտների՝ նեյրոնների, դրանց ելուստների, շրջակա միջավայրը կազմող գլիայի բջիջների կառուցվածքը նորմայում և ախտաբանության մեջ:
Ծրագրի հիմնական նպատակն է ստեղծել լաբորատորիա, որը, միավորելով գերժամանակակից մանրադիտարկման, բջջային հաշվարկի, լրացված ու վիրտուալ իրականության առանձնահատկությունները, հնարավորություն կընձեռի համակողմանիորեն պատկերավորել գլխուղեղի բջջային ճարտարագիտությունը՝ համալրելով այն զգայական ներգրավվածությամբ: Լաբորատորիան օժտված կլինի գլխուղեղի բջիջների ստատիկ և դինամիկ «5D» պատկերման, դեղի, բջջի կամ ներմուծված այլ մասնիկի «առաքումը» գլխուղեղ վիզուալիզացնելու հնարավորությամբ:
«Ուղեղի վիզուալիզացիայի լաբորատորիա» դրամաշնորհային ծրագրի ղեկավար, ԵՊԲՀ գիտության գծով պրոռեկտոր, պրոֆեսոր Կոնստանտին Ենկոյանը դրամաշնորհային ծրագրի շրջանակներում նոյեմբերի 20-26-ը ճանաչողական այց է կատարել Շվեյցարիայի մի քանի համալսարանների նորագույն սարքավորումներով հագեցած լաբորատորիաներ: Այցի համատեքստում պրոֆեսոր Ենկոյանը եղել է Ցյուրիխի համալսարանի մանրադիտակի և պատկերի վերլուծության կենտրոնում, Բազելի համալսարանի Բիոկենտրոնում, Բեռնի համալսարանի մանրադիտակային պատկերավորման կենտրոնում և Ժնևի Ուիս ինովացիոն կենտրոնում:
Պրոֆեսոր Ենկոյանի այցը լուսաբանվել է նաև Բեռնի համալսարանի կայք էջում` https://www.mic.unibe.ch/.../visit_of_konstantin_yenkoyan...:
Հավելենք, որ հետազոտական տեսանկյունից այս հիմնարար լաբորատորիայի ստեղծման և գործարկման արդյունքում ակնկալվում է որակապես նոր հարթություն տեղափոխել Ալցհեյմերի հիվանդությանը, աուտիզմին և կաթվածին ուղղված ուսումնասիրությունները:

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...