Նորություններ
ՀՀ Արագածոտնի մարզում աշխատանքային այցերը շարունակվում են
14.08.2023
«Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում ‹‹Հանրակրթական դպրոցների վերազինում›› ենթաբաղադրիչի շրջանակում կարիքներրի գնահատման գործընթացը ընթանում է ՀՀ Արագածոտնի մարզում: Գործընթացի համատեքստում ԿԾԿ ԾԻԳ-ի ներկայացուցիչները օգոստոսի 4-ին հանդիպել են ՀՀ Արագածոտնի մարզի մարզպետի խորհրդական Արմեն Գրիգորյանի և Կրթության մշակույթի և սպորտի վարչության պետ Գալուստ Թադևոսյանի հետ: Հանդիպման ընթացքում ‹‹Հանրակրթական դպրոցների վերազինում›› ենթաբաղադրիչի ղեկավար Մհեր Մելիք-Բախշյանը ներկայացրել է մարզում նախատեսվող ծրագրերը, որոնք իրականացվում են Համաշխարհային բանկի համաֆինանսավորմամբ «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում, մասնավորապես անդրադառնալով մարզում առկա հանրակրթական դպրոցների բնագիտական և ինժեներական լաբորատոր սարքավորումների, կահույքի և նյութերի տրամադրմանը: Հանդիպման ավարտից հետո ԿԾԿ ԾԻԳ աշխատակիցները մարզպետարանի ներկայացուցիչների ուղեկցությամբ շարունակել են են աշխատանքային այցերը ՀՀ Արագածոտի մարզի Երնջատապի, Լուսագյուղի, Նիգավանի, Վարդենիսի կրթական հաստատություններում: Նշենք, որ աշխատանքային այցերը շարունակվելու են Մելիքգյուղ, Գեղարոտ, Գեղադիր, Ծաղկահովիտ, Նորաշեն և Օհանավան համայնքներում:
Նշենք, որ իրականացվող ծրագրի համատեքստում նախատեսվում է նաև ուսուցիչների և տնօրենների վերապատրաստման նյութերի մշակում և տրամադրում՝ ձեռնարկի և ցուցադրական տեսանյութերի հետ մեկտեղ, որոնք կվերաբերեն լաբորատոր սարքավորումների շահագործմանը և ընթացիկ սպասարկմանը, ինչպես նաև դասապրոցեսում այս սարքավորումների օգտագործմանը՝ դասավանդման ժամանակակից մեթոդաբանությունների և թվային ուսումնաօժանդակ նյութերի կիրառմամբ:
