Նորություններ
Երևանի Կարեն Դեմիրճյանի անվան թիվ 139 ավագ դպրոցում կազմակերպվել է hանրային քննարկում
03.07.2023
«Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում կառուցման ենթակա Երևանի Կարեն Դեմիրճյանի անվան թիվ 139 ավագ դպրոցում կազմակերպվել է hանրային քննարկում, որի նպատակը վերոնշյալ ավագ դպրոցի կառուցման աշխատանքների համար մշակված բնապահպանական և սոցիալական կառավարման պլանի ներկայացումն էր: Հանրային քննարկմանը ներկա էին Երևանի քաղաքապետարանի աշխատակազմի բնապահպանության վարչության գլխավոր մասնագետ Հ. Հարությունյանը, Նոր Նորք վարչական շրջանի ղեկավար Ա. Մհերյանը, Երևանի Կարեն Դեմիրճյանի անվան թիվ 139 ավագ դպրոցի տնօրեն Կ. Ջհանգիրյանը, ՀՀ ԿԳՄՍՆ «Կրթական ծրագրերի կենտրոն» ԾԻԳ-ի ավագ դպրոցների հիմնանորոգման աշխատանքները համակարգող/ճարտարապետ Մ. Սարիբեկյանը, “ԱՄԱԳ” ՍՊԸ-ի գլխավոր ճարտարապետ Ա. Ջանունցը, ՀՀ «Կրթական ծրագրերի կենտրոն» ԾԻԳ-ի բնապահպանական և սոցիալական հարցերով խորհրդատու Ա. Կարապետյանը, ուսուցչական և ծնողական կազմը, այլ շահագրգիռ կողմեր:
Երևանի քաղաքապետարանի աշխատակազմի բնապահպանության վարչության գլխավոր մասնագետ Հ. Հարությունյանը ներկայացրեց հանրային քննարկման իրականացման նպատակները և կարգը: Ծրագրի նախագծող-ճարտարապետ Ա. Ջանունցը, ներկայացրեց կառուցվող դպրոցի նախագիծը և հիմնական ճարտարապետական լուծումները։ Երևանի Կարեն Դեմիրճյանի անվան թիվ 139 ավագ դպրոցի տնօրեն Կ. Ջհանգիրյանը խոսեց դպրոցի վերակառուցման անհրաժեշտության մասին: ՀՀ ԿԳՄՍՆ «Կրթական ծրագրերի կենտրոն» ԾԻԳ-ի ավագ դպրոցների հիմնանորոգման աշխատանքները համակարգող/ճարտարապետ Մ. Սարիբեկյանը հստակեցրեց ծրագրի հիմնական նպատակները, ենթածրագրերի իրականացման ընթացակարգը և հիմնական փուլերը: «Կրթական ծրագրերի կենտրոն» ԾԻԳ-ի բնապահպանական և սոցիալական հարցերով խորհրդատու Ա. Կարապետյանը ներկայացրեց շրջակա միջավայրի վրա ազդեցության փորձաքննության իրականացման կարգը, օրենսդրական պահանջները, քաղաքականության շրջանակը, ՀԲ-ի բնապահպանական քաղաքականությունը, ինչպես նաև բնապահպանական և սոցիալական կառավարման պլանը։ Հնչեցին մի շարք հարցեր: Ա. Ջանունցը շեշտեց, որ նախատեսվում է ավարտել կառուցման աշխատանքները 24 ամսվա ընթացում, իսկ աշխատանքների ընթացքում նախատեսվում է իրականացնել շինարարական տարածքի ցանկապատում, նախազգուշացնող նշանների տեղադրում և տարածքի վերահսկողություն:
