Նորություններ

Աշխատաժողով՝ ՆՄՀ շրջափուլի շրջանակներում

28.06.2023

Հունիսի 28-ին ԿԳՄՍՆ «Կրթական ծրագրերի կենտրոն» ԾԻԳ-ում` իրականացվեց «Կրթության բարելավման լրացուցիչ ֆինանսավորում» վարկային ծրագրի շրջանակում կազմակերպված աշխատաժողովը: Այն ուղղված էր Նորարարությունների մրցակցային հիմնադրամի (ՆՄՀ) շրջափուլի շրջանակում դրամաշնորհառւ բուհերի ներկայացուցիչներին իրականացվող ծրագրերում գնումների ընթացակարգերի և ֆինանսական հաշվետվությունների մշակման ու ներկայացման գործընթացի ծանոթացմանը : Վերապատրաստման նպատակով՝ աշխատաժողովին մասնակցում էին դրամաշնորհ ստացած հինգ բուհերի ներկայացուցիչները: Հիշեցնենք, որ 2022 թվականի սեպտեմբերից «Կրթության բարելավման ծրագրի լրացուցիչ ֆինանսավորում» վարկային ծրագրի ՆՄՀ շրջափուլի շրջանակներում մեկնարկել էր բուհերին դրամաշնորհներ տրամադրելու մրցույթի գործընթացը: «Կրթության բարելավման ծրագրի լրացուցիչ ֆինանսավորում» վարկային ծրագրի ՆՄՀ շրջափուլի շրջանակում, ՆՄՀ Համակարգող խորհրդի որոշման համաձայն, հինգ բուհերի` Երևանի Մ. Հերացու անվան պետական բժշկական համալսարանում, Երևանի պետական համալսարանում, Հայաստանի ազգային ագրարային համալսարանում, Ճարտարապետության և շինարարության Հայաստանի ազգային համալսարանում, Խ. Աբովյանի անվան Հայկական պետական մանկավարժական համալսարան շնորհվել են դրամաշնորհներ՝ ծրագրերի իրականացման համար: 2023 թվականի հունիսին ԿԳՄՍՆ «Կրթական ծրագրերի կենտրոն» ԾԻԳ-ի և վերոնշյալ բուհերի միջև կնքվել են դրամաշնորհային պայմանագրեր, ըստ որի դրանք մեկնարկել են դրամաշնորհային ծրագրերի իրականացման գործընթացը: Աշխատաժողովի մասնակիցների ուշադրության կենտրոնում ՆՄՀ դրամաշնորհային ծրագրերի գնումների ընթացակարգերի պլանավորման և կազմակերպման առանձնահատկություններն էին: Աշխատաժողովի օրակարգը և նպատակները ներկայացրեց «Աջակցություն Նորարարությունների մրցակցային հիմնադրամի զարգացմանը» բաղադրիչի ղեկավար Արմինե Մինասյանը: Ընդգծելով աշխատաժողովի կարևորությունը, նա արդյունավետ քննարկում մաղթեց աշխատաժողովի մասնակիցներին: «Կրթական ծրագրերի կենտրոն» ԾԻԳ-ի գնումների մասնագետներ Զառա Ղարագյոզյանը և Ռաֆիկ Հակոբյանը ներկայացրեցին գնումների ընթացակարգերը, մասնավորապես անդրադառնալով գնումների մեթոդներին, գնումների փաթեթների կազմման, խորհրդատվական ծառայությունների ընտրության մեթոդների առանձնահատկություններին: Մասնակիցների ուշադրության կենտրոնում նաև ՆՄՀ դրամաշնորհային ծրագրերի ֆինանսական ընթացակարգերի պլանավորման և կազմակերպման առանձնահատկություններն էին: Հարկ է նշել, որ քննարկվեցին նաև ֆինանսական ընթացակարգերին առնչվող որոշ հարցեր է: Հանդիպման ընթացքում եղան նաև բովանդակային հարցեր, որոնց պարզաբանումը տրվեց բարձրագույն կրթության բաղադրիչի աշխատակիցների կողմից: Ծավալվեց քննարկում, եղան դիտարկումներ ու առաջարկներ, հարցերին տրվեցին սպառիչ պատասխաններ: Հանդիպման ավարտին պարզաբանվեց նաև բուհերի կողմից ներկայացվող փուլային, եռամսյակային և ավարտական հաշվետվության հետ կապված որոշ հարցեր: Աշխատաժողովի ավարտին ներկաները փաստեցին, որ հանդիպումը նպաստեց դրամաշնորհային ծրագրի իրականացման գործընթացը առավել համակարգված և գրագետ կազմակերպելուն:

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...