Նորություններ
Աշխատանքային այց ՀՀ Արագածոտնի մարզի Աշտարակի Նորայր Սիսակյանի անվան թիվ 5 ավագ դպրոցում
23.06.2023
Ավագ դպրոցների արդյունավետ գործունեությունը մեծապես պայմանավորված է ժամանակակից ենթակառուցվածքների, նորագույն լաբորատորիաների, ինչպես նաև որակյալ մանկավարժական կադրերի առկայությամբ:
‹‹Կրթության բարելավման ծրագրի լրացուցիչ ֆինանսավորում›› վարկային ծրագրի շրջանակում ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչն ուղղված է ընտրված ավագ դպրոցների հիմնանորոգմանը, համապատասխան ուսումնական և ուսուցողական սարքավորումների տրամադրմանը: Հունիսին վերոնշյալ ենթաբաղադրիչի աշխատանքների շրջանակում ամփոփվել են չորս ավագ դպրոցներից երեքի հիմնանորոգման և մեկ ավագ դպրոցի կառուցման նախագծային աշխատանքները: Հունիս ամսվա ընթացքում ԿԾԿ ԾԻԳ-ի աշխատակիցները շրջայց են իրականացրել ՀՀ Արագածոտնի մարզի Աշտարակի Նորայր Սիսակյանի անվան թիվ 5 ավագ դպրոցում, որը հիմնանորոգման ծրագրում ընդգրկված 4 ավագ դպրոցներից մեկն է:
Հունիսին ամփոփվել է վերակառուցման համար անհրաժեշտ նախագծանախահաշվային փաստաթղթերի վերամշակման աշխատանքները: Արդեն պատրաստ են նախագծերը, դրանք նախագծային ընկերությունների տնօրենների և մասնագետների հետ բազմիցս քննարկեվել են: Հիշեցնենք, որ Միավորված ազգերի կազմակերպության զարգացման ծրագրի (ՄԱԶԾ) հետ համագործակցության շրջանակներում վերանայվել են վերոնշյալ ավագ դպրոցի հիմանորոգման տեխնիկական նախագծերը և վերջինիս համաֆինանսավորմամբ տրամադրվելու են էներգաարդյունավետ սարքավորումներ: Ներդրումների մասնաբաժինը կկազմի մշակված նախագծային փաստաթղթերում ներառված էներգաարդյունավետ միջոցառումների ընդհանուր արժեքի 20%-ից ոչ ավելին:
Հավելենք, որ հիմնանորոգման նախագծերը մշակելիս «Կրթական ծրագրերի կենտրոն» ԾԻԳ-ի կողմից պահպանվել են ներառական կրթության կազմակերպման բոլոր պահանջները, այսինքն` վերակառուցված դպրոցի շենքը կունենա հարմարեցված միջավայր:
Այսպիսով` ակնակալվող արդյունքներն են ` հիմնանորոգված, կահավորված և վերազինված ավագ դպրոց՝ ՀՀ շինարարական և անվտանգության չափանիշներին համապատասխան։
Վերոնշյալ ավագ դպրոցի ներկա պայմանները ` լուսանկարներում:
