Նորություններ

Ամփոփիչ մշտադիտարկում ՀՊՄՀ-ում

22.11.2019

2016 թվականի դեկտեմբերին «Խ. Աբովյանի անվան հայկական պետական մանկավարժական համալսարան» հիմնադրամում (ՀՊՄՀ) «Կրթության բարելավում» վարկային ծրագրի Նորարարությունների մրցակցային հիմնադրամի (ՆՄՀ) երկրորդ (հավելյալ) շրջափուլի շրջանակներում մեկնարկել էր «Նախադպրոցական և տարրական կրթության արդիականացում ժամանակի պահանջներին համապատասխան մասնագետների պատրաստման միջոցով» դրամաշնորհային ծրագրի իրականացումը: Այսօր արդեն դրամաշնորհային ծրագրի աշխատանքներն ամփոփվել են: Այս առիթով նոյեմբերի 21-ին ԿԳՄՍ նախարարության և ‹‹Կրթական ծրագրերի կենտրոն» ԾԻԳ-ի ներկայացուցիչները ՀՊՄՀ միջազգային համագործակցության բաժնի ղեկավար, դրամաշնորհային ծրագրի համակարգող Մարիաննա Հարությունյանի ուղեկցությամբ շրջեցին նորաստեղծ մուլտիմեդիոն լաբորատորիայում և հետազոտական լսարաններում:
‹‹Մենք համոզված ենք` կատարված աշխատանքի արդյունավետության հետագա ցուցանիշը կլինի նախադպրոցական և տարրական մանկավարժության գծով մասնագիտական գիտելիքներով և նորարարական գործնական ու հետազոտական հմտություններով և կարողություններով օժտված նոր կադրերի պատրաստումը››, -նշեց Մ. Հարությունյանը:
Ամփոփիչ մշտադիտարկման ընթացքում դրամաշնորհային ծրագրի համակարգողը խոսեց կատարված աշխատանքի, արված ներդրումների մասին, ինչպես նաև մանրամասնեց ծրագրից ակնկալվող արդյունքների և հետագա նպատակների մասին։
Նշենք, որ ապագա, մանկավարժների գործնական հմտությունների զարգացմանն ու կատարելագործմանն ուղղված մուլտիմեդիոն լաբորատորիան և երկու հետազոտական լսարանները համալրված են համապատասխան գույքով, մասնագիտական ծրագրեր պարունակող համակարգիչներով, ստեղծված է էլեկտրոնային կրթական հարթակը, առկա է էլեկտրոնային գրադարանը:
Հանդիպման ընթացքում ներկաները քննարկեցին ծրագրի սկզբում սահմանված արդյունքները, դրանց դրսևորումը մոնիտորինգային պլանով ձևակերպված ցուցիչների մակարդակում: Ինչպես ներկայացրեց դրամաշնորհային ծրագրի համակարգողը, ծրագրի արդյունքում հատուկ առանձնացված տարածքում իրականացվել են անհրաժեշտ վերանորոգման աշխատանքները: Ծրագրի արդյունքում լաբորատորիան և լսարանները զինվել են անհրաժեշտ գույքով և տեխնիկայով: Դրամաշնորհային ծրագրի համակարգողը նշեց, որ խորհրդատուի որակավորման հիման վրա ընտրված կազմակերպության կողմից ավարտվել են էլեկտրոնային կրթական հարթակի և էլեկտրոնային գրադարանի մշակման աշխատանքները: Նա նաև հավելեց, որ դրամաշնորհային ծրագրի շրջանակներում անհատ խորհրդատուների կողմից մշակված ուսումնաօժանդակ նյութերը ևս զետեղվել են վիրտուալ հարթակում, ինչպես նաև իրականացվել է էլեկտրոնային կրթական հարթակի և էլեկտրոնային գրադարանի կիրառման ուղղությամբ համալսարանի դասախոսական կազմի ներկայացուցիչների վերապատրաստում: Նորաստեղծ լաբորատորիայում, դիտարկելով էլեկտրոնային կրթական հարթակը, ԿԾԿ ԾԻԳ-ին մասնագիտական աջակցություն ցուցաբերող անհատ խորհրդատու Արշակ Ղազարյանը քննարկեց էլեկտրոնային հարթակի և էլեկտրոնային գրադարանի գործարկման և կիրառելիության հետ կապված մի շարք հարցեր: Ա. Ղազարյանի հավաստմամբ, կատարված աշխատանքների արդյունքները գոհացուցիչ են:
Նորաստեղծ լաբորատորիայի հնարավորություններն ուսումնական գործընթացում լավագույնս օգտագործելու նպատակով իրականացվել է նաև համապատասխան կրթական բովանդակության ստեղծում: Մ. Հարությունյանը նշեց, որ առկա են լաբորատորիայի գործարկման ընթացակարգերը՝ այն է հայեցակարգը և կանոնակարգը, բարելավված հետազոտական բաղադրիչներով նախադպրոցական և տարրական մասնագիտությունների կրթական ծրագրերը: Դրամաշնորհային ծրագրի ղեկավարի խոսքով, լաբորատորիայի ստեղծմամբ ապահովվում է ծրագրի հիմնական նպատակի իրագործումը, այն է՝ եվրոպական չափանիշներին համապատասխան մրցունակ կադրեր պատրաստել նախադպրոցական և տարրական մանկավարժության ոլորտում:
 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...