Նորություններ

Աշխատանքային այց Խաչատուր Աբովյանի անվան հայկական պետական մանկավարժական համալսարան

01.02.2019

Հունվարի 31-ին աշխատանքային այցով Խաչատուր Աբովյանի անվան հայկական պետական մանկավարժական համալսարանում (ՀՊՄՀ) էին ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի շրջանակներում բուհի կողմից իրականացվող դրամաշնորհային ընթացիկ ծրագրի մշտադիտարկումն էր: Ներկաները ՀՊՄՀ միջազգային համագործակցության բաժնի ղեկավար, դրամաշնորհային ծրագրի համակարգող Մարիաննա Հովհաննիսյանի ուղեկցությամբ ծանոթացան ՆՄՀ շրջանակներում հիմնվող մուլտիմեդիոն լաբորատորիայի, հետազոտական լսարանների, էլեկտրոնային հարթակի ստեղծման ընթացիկ աշխատանքներին: Նշենք, որ ՀՊՄՀ դրամաշնորհային ծրագրի շրջանակներում ծրագրված էր նախադպրոցական և տարրական մանկավարժության գծով ուսուցման որակը բարելավելու նպատակով ստեղծել նյութատեխնիկապես հագեցած մուլտիմեդիոն լաբորատորիա, երկու մուլտիմեդիոն հետազոտական լսարաններ, մշակել էլեկտրոնային հարթակ՝ դրանց օգնությամբ պատրաստելով ՀՊՄՀ–ում նորարարական գործնական ու հետազոտական հմտություններով և կարողություններով մասնագետներ նախադպրոցական և տարրական կրթության ոլորտում: Մշտադիտարկման արդյունքում ներկաներն ամրագրեցին, որ ծրագրի շրջանակներում ձեռք բերված համակարգչային տեխնիկան, որոնց մատակարարումը իրականացվել էր ծրագրի իրականացման նախորդ փուլերում տեղադրված էին համապատասխան լաբորատորիայում և լսարաններում: Դրամաշնորհային ծրագրի համակարգողը տեղեկացրեց, որ մշակված է մուլտիմեդիոն լաբորատորիայի գործարկման հայեցակարգը և հաստատված է աշխատանքային կանոնակարգը: Հանդիպման ընթացքում ներկաները քննարկեցին ծրագրով նախատեսված գործողությունների ժամանակացույցը, դրամաշնորհային ծրագրով նախատեսված էլեկտրոնային կրթական հարթակի և էլեկտրոնային ուսումնաօժանդակ նյութերի ստեղծմանն առնչվող որոշ հարցեր:
ՀՊՄՀ դրամաշնորհային ծրագրի համակարգող Մարիաննա Հովհաննիսյանը նշեց, որ բուհի կողմից ձեռք է բերվել և տեղադրվել կրթական էլեկտրոնային ռեսուրսների ստեղծման համար համարեցված համակարգչային ծրագիրը (Adobe Creative Cloud):
Հանդիպման առանցքում նաև կրթական բովանդակության արդիականացման, մասնագիտական կրթական ծրագրերի վերանայման աշխատանքների հետ կապված հարցերն էին: Ստեղծվող ենթակառուցվածքի հնարավորություններն ուսումնական գործընթացում լավագույնս օգտագործելու նպատակով՝ բուհն իրականացնում է համապատասխան կրթական բովանդակության ստեղծում: Մ. Հովհաննիսյանի խոսքով կատարվել են մասնագիտական կրթական ծրագրերի վերանայման աշխատանքներ: Իրականացվել է նախադպրոցական և տարրական մասնագիտությունների կրթական ծրագրերի հետազոտական բաղադրիչների բարելավում: Վերանայվել և հաստատվել են թվով 4 կրթական ծրագրեր, որոնք 2019-2020 ուսումնական տարվանից կներդրվեն բուհի ուսումնական պլաններում: Բուհի դասախոսական կազմի ՏՀՏ կարողությունների զարգացման նպատակով մշակվել են վերապատրաստման մոդուլներ, վերապատրաստումները ընթացքում են:
Մ. Հովհաննիսյանը տեղեկացրեց, որ ծրագրի համատեքստում Ֆինլանդիայի Օուլու քաղաքի համալսարան գործուղված աշխատակիցներն իրականացրել են ‹‹Մանկավարժական հետազոտական մեթոդներ›› խորագրով կասկադ վերապատրաստումներ՝ բուհի Սկզբնական կրթության ֆակուլտետի թվով 3 ամբիոնների պրոֆեսորադասախոսական անձնակազմի համար:
ՀՊՄՀ դրամաշնորհային ծրագրի համակարգողը փաստեց, որ մուլտիմեդիոն հետազոտական լսարանները և լաբորատորիան ծառայում են թիմային նախագծեր, էլեկտրոնային ուսումնաօժանդակ նյութեր պատրաստելուն և օգտագործվում են ամենօրյա հաճախականությամբ: Փաստենք, որ լսարաններն արդեն իսկ ակտիվորեն օգտագործվում էին. մշտդիտարկման պահին այնտեղ ընթանում էին ՏՀՏ կարողությունների զարգացմանն ուղղված վերապատրաստումները:
Ներկաները հուսով էին, որ ստեղծվող լաբորատորիան կնպաստի բարձր որակավորում ունեցող մանկավարժական կադրերի պատրաստմանը նախադպրոցական և տարրական կրթության ոլորտում:
 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...