Նորություններ

Կրիմինալիստիկայի լաբորատորիա ՆՄՀ դրամաշնորհով

19.06.2017

    Հունիսի 14-ին աշխատանքային այցով Երևանի Գլաձոր համալսարանում( ԵԳՀ) էին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԵԳՀ Դրամաշնորհային ծրագրի ղեկավար Ռիմա Այդինյանը ներկաներին ծանոթացրեց ՆՄՀ շրջանակներում <<«Իրավագիտություն մասնագիտության արդիականացում >> դրամաշնորհային ծրագրի ընթացիկ աշխատանքներին: Նշենք, որ դրամաշնորհային ծրագրի իրականացումը մեկնարկել է 2017 թվականի հունվարին, երբ <<Կրթության բարելավում>> վարկային ծրագրի հավելյալ շրջափուլի շրջանակներում ՆՄՀ դրամաշնորհներ տրամադրվեցին 6 բուհերի: Դրամաշնորհային ծրագիրը միտված է ՀՀ-ում <<Իրավագիտություն>> մասնագիտության մրցունակության բարձացմանը և իրավագիտության բնագավառում մասնագիտական գիտելիքներով օժտված կադրեր պատրաստելու նոր հնարավորությունների ստեղծմանը: Նշենք, որ դրամաշնորհային ծրագրի շրջանակներում ընթացքում է նյութատեխնիկական բազայով և սարքավորումներով ապահովված կրիմինալիստիկայի ուսումնական կաբինետի և լաբորատորիայի ստեղծումը՝ միջազգային և տեղական փորձի հիման վրա:
Աշխատանքային այցի ընթացքում ներկաները քննության առան դրամաշնորհային ծրագրով նախատեսված հետագա աշխատանքների և գործընթացների կազմակերպմանն առնչվող մի շարք հարցեր: Սույն թվականի հունիսին, ծրագրի մեկնարկից վեց ամիս անց կատարված մշտադիտարկման ընթացքում ներկաները ամրագրեցին, որ ԵԳՀ-ի կողմից առաջին քայլերն արված են: Դրամաշնորհային ծրագրի ղեկավարը ներկայացրեց, որ բուհի կողմից տրամադրված մոտ 200մ2 տարածքը արդեն վերանորոգված է: Ձեռք բերված անհրաժեշտ կահույքը, և համակարգչային սարքավորումները արդեն տեղադրված են: Ծրագրի համատեքստում ընթացքում է նաև հեռուստատեսային լուսաբանումը: Առաջին քայլերն արված են նաև <<Իրավագիտություն>> մասնագիտության ուսումնական բովանդակության արդիականացման ուղղությամբ: Այս համատեքստում իրականացվել է Հայաստանի բարձրագույն ուսումնական, գիտահետազոտական ու փորձագիտական հաստատությունների կրիմինալիստիկական լաբորատորիաների փորձի ուսումնասիրություն, մեկնարկել են կրիմինալիստիկական ուսումնական կաբինետի և լաբորատորիայի կիրարկման համար փաստաթղթային հենքի մշակման աշխատանքները: Կարևորելով ոլորտում միջազգային փորձի ուսումնասիրումը և տեղայնացումը՝ ծրագրի ղեկավարը նշեց, որ վերոնշյալ նպատակով փետրվարի 12-17-ը իրականացվել է գործուղում և ԵԳՀ աշխատանքային խումբը մեկնել է Մոսկվա, այնտեղ գործող թվով 4 ոլորտի առաջատար կառույցների կրիմինալիստիկական լաբորատորիաների աշխատանքին ծանոթանալու համար: Նշենք, որ Կուտաֆինի անվան Մոսկվայի պետական իրավաբանական համալսարանում, դատական փորձաքննությունների ինստիտուտում երկու բուհերի միջև կնքվել է համագործակցության պայմանագիր: Իսկ ՌԴ ներքին գործերի նախարարության դատական փորձաքննությունների ինստիտուտի և Մոսկվայի քննչական կոմիտեի ակադեմիայի և փորձաքննությունների կենտրոնի կրիմինալիստիկական լաբորատորիաներում ԵԳԸ ներկայացուցիչները մասնակցել են մի շարք հանդիպումների: Բուհում <<Իրավագիտություն>> մասնագիտության ուսումնական բովանդակության արդիականացումը իրականացվում է նաև ուսումնական պլանների, դասընթացների նկարագրերի, դասավանդման և գիտելիքների ստուգման ձևերի վերանայման միջոցներով: Ընթացքում են <<Կրիմինալիստիկական գործունեություն>> մագիստրոսական կրթական ծրագրի նկարագրի և ուսումնական պլանի վերամշակման աշխատանքները:
Հավելենք, որ դրամաշնորհային ծրագրի իրականացումը միտված է համալսարանում գիտական ու նորարարական աշխատանքների ծավալմանը և բուհի մրցունակության բարձացմանը: Ներկաները հուսով էին, որ ընթացիկ դրամաշնորհային ծրագիրի իրականացումը կնպաստի բուհում կրթության որակի, գիտահետազոտական աշխատանքների արդյունավետության բարձացմանը:

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...