Նորություններ

Մեկնարկել են <<Ինովացիոն ակուստիկ լաբորատորիայի>> ստեղծման աշխատանքները

14.06.2017

       Հունիսի 13-ին Երևանի Կոմիտասի անվան պետական կոնսերվատորիայում (ԵՊԿ) տեղի ունեցավ աշխատանքային հանդիպում: Հանդիպմանը ներկա էին ԿԾԿ ԾԻԳ-ի ներկայացուցիչները: Հանդիպման նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ԵՊԿ դրամաշնորհային ծրագրի համակարգող, ԵՊԿ-ի Որակի ներքին ապահովման բաժնի ղեկավար Նարինե Ավետիսյանը ԿԾԿ ԾԻԳ-ի ներկայացուցիչներին ծանոթացրեց ՆՄՀ շրջանակներում հիմնվող ինովացիոն ակուստիկ լաբորատորիայի ստեղծման ընթացիկ աշխատանքներին: Նա փաստեց, որ Երաժշտական ինովացիոն լաբորատորիայի առկայությունը կբարձրացնի բուհի վարկանիշը և կնպաստի ԵՊԿ-ի միջազգայնացման բարելավմանը:
Դրամաշնորհային ծրագրի համակարգողը ներկայացրեց, որ ԵՊԿ դրամաշնորհային ծրագրի շրջանակներում ընթացքում է երաժշտական լաբորատորիայի ստեղծումը և դրա զինումը նորարարական փոփոխական ակուստիկ սարքավորումներով, համապատասխան երաժշտական գործիքներով և մասնագիտական համակարգչային ծրագրերով: Դա կնպաստի նաև Երևանի Կոմիտասի անվան պետական կոնսերվատորիայի երաժշտական կրթական գործընթացի արդիականացմանը՝ նորարարական տեխնոլոգիաների ներդրման և «Երաժշտական կատարողական արվեստ» մագիստրոսական կրթական ծրագրի վերամշակման միջոցով: Ծրագրի իրականացումը մեկնարկել է 2017 թվականի հունվարին, երբ «Կրթության բարելավում» վարկային ծրագրի հավելյալ շրջափուլի շրջանակներում ՆՄՀ դրամաշնորհներ տրամադրվեցին 6 բուհերի: Ծրագրի մեկնարկից 6 ամիս անց, երկրորդ փուլի ավարտին ներկաները ամրագրեցին ԵՊԿ-ի կողմից առաջին քայլերն արված են: Լաբորատորիայի հիմնադրման ընթացքը սկսվել է տարածքի վերանորոգման աշխատանքներից: Մասնավորապես, ամփոփվում են լաբորատորիայի տարածքում փոփոխական ակուստիկ պանելների տեղադրման և համակարգող սենյակի ձայնամեկուսացման աշխատանքները: Նախատեսված կահույքն արդեն ձեռք է բերված, դրա տեղադրումը կիրականացվի վերանորոգման ավարտից հետո: Ընթացքում են լարային գործիքների, երաժշտական սարքավորումների, համապատասխան մասնագիտական ծրագրերով համալրված համակագչային սարքավորումների գնման գործընթացները: Բուհը մեկնարկել է նաև միջազգային խորհրդատուի ներգրավման աշխատանքները, ով պետք է աջակցություն ցուցաբերի նորարարական տեխնոլոգիաների՝ ուսումնական գործընթացում ներդրման տեսանկյունից:
Հավելենք, որ ինովացիոն ակուստիկ լաբորատորիայի ստեղծումը կնպաստի բուհի ուսանողների կիրառական կարողությունների և հմտությունների զարգացմանը և ընդլայնմանը: Լաբորատորիայում ուսանողները կկատարելագործեն ձայնարտաբերման տեխնիկան, կբարելավեն մասնագիտության վերջնարդյունքները, ինչն էլ կբարձրացնի ԵՊԿ-ի շրջանավարտների մրցունակությունը: Դրամաշնորհային ծրագրի համակարգողի հավաստմամբ ԵՊԿ-ում ինովացիոն ակուստիկ լաբորատորիայի ստեղծումը կնպաստի նաև «Ստեղծագործություն» (կոմպոզիցիա) մասնագիտության նոր ժամանակակից առարկայական ծրագրերի մշակմանը, իսկ երաժշտագետների համար այն կբացի գիտահետազոտական ուսումնասիրությունների նոր դաշտ:
 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...