Նորություններ

Մոնիտորինգային այց Հայաստանի ֆիզիկական կուլտուրայի եվ սպորտի պետական ինստիտուտ

07.06.2017

        Հունիսի 7-ին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները աշխատանքային այց են կատարել Հայաստանի ֆիզիկական կուլտուրայի եվ սպորտի պետական ինստիտուտ: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր:Ներկաները ծանոթացան ՆՄՀ շրջանակներում իրականացվող դրամաշնորհային ծրագրի ընթացիկ աշխատանքներին: Նշենք, որ 2017 թվականի հունվարից բուհում մեկնարկել է <<Ֆիզիկական կուլտուրայի և սպորտի ոլորտում մասնագիտական կրթության արդիականացում և բարելավում>> ծրագիրը <<Կրթության բարելավում>> վարկային ծրագրի շրջանակներում: Ծրագրի տևողությունը 24 ամիս է: Այս դրամաշնորհային ծրագրի շրջանակներում նախատեսվում է մասնագիտական կրթական ծրագրերի արդիականացում և վերանայում, բուհի կարողությունների հզորացմանը միտված ֆիզիկական կուլտուրայի և սպորտի ժամանակակից գիտահետազոտական կենրոնի ստեղծում՝ ինտերակտիվ լսարանով և առցանց խորհրդակցությունների ու սեմինարների համար նախատեսված դահլիճով:
Ծրագրի շրջանակներում նախատեսվում է կենտրոնի տարածքի վերանորոգում, անհրաժեշտ համակարգչային տեխնիկայի, լաբարատոր սարքավորումների ու գույքի ձեռքբերում և մոնտաժում: Ֆիզիկական կուլտուրայի և սպորտի ոլորտում մասնագիտական կրթության արդիականացում և բարելավում, արդիական կրթական միջավայրի պահանջներին համապատասխան ուսումնական պլանների և առարկայական ծրագրերի մշակում: Ֆիզիկական կուլտուրայի և սպորտի ժամանակակից գիտահետազոտական կենրոնի ստեղծումը իրականացվում է դրամաշնորհային ծրագրով սահմանված 4 փուլերի համաձայն: Առաջին փուլի ավարտին իրականացրած մշտադիտարկման արդյունքում ներկաներն ամրագրեցին, որ ավարտվել են խորհրդակցությունների սրահի և ինտերակտիվ լսարանի համար նախատեսված տարածքների բարեկարգման աշխատանքները: Ավարտին էին մոտենում լաբորատորիայի համար նախատեսված տարածքի վերանորոգման աշխատանքները: Ավարտվել է կենտրոնի համար նախատեսված գույքի և գրենական պիտույքների ձեռքբերումը, համակարգչային տեխնիկայի ձեռքբերման նպատակով մրցույթն ամփոփման փուլում է: Ընթացքում է լաբորատոր սարքավորումների ձեռքբերման գործընթացը: Այս ընթացքում բուհն իր միջոցներով կազմակերպել է սեմինար` միջազգային խորհրդատուի ներգրավմամբ: Խմբի անդամներին ողջունեց բուհի ռեկտորը, որը հավաստիացրեց, որ ՆՄՀ դրամաշնորհային ծրագիրը առիթ է հանդիսացել, որպեսզի բուհն առավել նախաձեռնող լինի նաև այլ հնարավոր ծրագրերի մասնակցության հարցում` ընդլայնելով բուհի զարգացման ծրագրերի իրականացման հնարավորությունները: Դրամաշնորհային ծրագրի ղեկավար, Որակի ապահովման բաժնի պետ Արայիկ Գյոզալյանը տեղեկացրեց, որ մասնագիտական կրթությունը նորովի կազմակերպելու համար առաջիկայում կմշակվի նաև անհրաժեշտ կրթական բովանդակություն և ֆիզիկական կուլտուրայի և սպորտի բնագավառում հնարավոր կլինի իրականացնել հենքային գիտական հետազոտություններ:
Հավելենք, որ Հայաստանի Հանրապետությունում մասնագիտական սարքավորումներով հագեցած այս գիտահետազոտական կենտրոնը կնպաստի ֆիզկուլտուրայի և սպորտի բնագավառում հիմնարար հետազոտությունների իրականացմանը:
 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...