Նորություններ

ԵՊՀ-ում ավարտվում է դրամաշնորհային ծրագրի երկրորդ փուլը

16.12.2016

       Դեկտեմբերի 14-ին աշխատանքային այցով Երևանի պետական համալսարանում (ԵՊՀ) էին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ՀՀ ԿԳՆ և ԿԾԿ ԾԻԳ-ի ներկայացուցիչները ԵՊՀ դրամաշնորհային ծրագրի համակարգող Կարեն Թռչունյանի ուղեկցությամբ եղան ԵՊՀ կենսաբանության ֆակուլտետում և ծանոթացան ՆՄՀ շրջանակներում հիմնվող <<Մանրէաբանական կենսատեխնոլոգիաների և կենսավառելիքի նորարարական կենտրոնի>> ստեղծման ընթացիկ աշխատանքներին: Ծրագրի մեկնարկից մեկ տարի անց, դրամաշնորհային ծրագրի երկրորդ փուլի ավարտին կատարված մշտադիտարկման արդյունքում ներկաները ամրագրեցին, որ ձեռք բերված լաբորատոր սարքավորումների, նյութերի ու պարագաների մի մասն արդեն իսկ մատակարարվել է : Հիշեցնենք, որ կենտրոնի հիմնադրումը, վերանորոգումն ու տեխնիկական զինումը ավարտվել է դեռ դրամաշնորհային ծրագրի առաջին փուլում: Այցի ընթացքում ԿԾԿ ԾԻԳ-ին ԵՊՀ դրամաշնորհային ծրագրի ընթացքում մասնագիտական աջակցություն ցուցաբերող անհատ խորհրդատու Լ. Սահակյանը ծրագրի համակարգող Կ.Թռչունյանի հետ համատեղ քննարկեց անհրաժեշտ լաբորատոր սարքավորումների շահագործման և քիմիական նյութերի կիրառության, գիտահետազոտական աշխատանքների հետագա սերտիֆիկացման հետ կապված մի շարք հարցեր: Դրամաշնորհային ծրագրի համակարգողը նշեց նաև, որ մեկնարկել են մասնագիտական կրթական ծրագրերի վերանայման աշխատանքները: Մասնավորապես, Կ. Թռչունյանի հավաստմամբ բուհն ներգրավված անհատ խորհրդատուի միջոցով իրականացրել է աշխատաշուկայի ներկայիս պահանջներին, միջազգային չափանիշներին համապատասխան, նորացված մագիստրոսական ծրագրի մշակում, որի վերջնարդյունքները համապատասխանեցվել են նաև Երևանի պետական համալսարանի Որակի ապահովման կենտրոնի (ՈԱԿ) հայեցակարգին: Առաջիկայում նախատեսվում է ձեռքբերված նորագույն մանրէաբանական սարքավորումների կիրառում և փորձարկում մագիստրոսական ու ասպիրանտական գիտահետազոտական աշխատանքներում: Դրամաշնորհային ծրագրի ղեկավարը տեղեկացրեց, որ արտասահմանյան փորձի ուսումնասիրման և մանրէաբանական մագիստրոսական ծրագրերի մշակման և ներդրման նպատակով ծրագրի համատեքստում նոյեմբերի 7-14–ը իրականացվել է ուսումնական այց ԱՄՆ Բերկլիի համալսարան, Միացյալ կենսաէներգիայի ինստիտուտ և Սանդիայի ազգային լաբորատորիաներ:
ԵՊՀ երկու գիտաշխատողներ ծանոթացել են ԱՄՆ առաջատար կենտրոններում իրականացվող ուսումնական գործընթացին: Ուսումնական այցի արդյունքների ներկայացման, ձեռք բերված գիտելիքների և փորձի փոխանակման նպատակով առաջիկայում նախատեսվում է գիտաժողովի կազմակերպում, որը ևս կնպաստի դրամաշնորհային ծրագրի հետագա աշխատանքների արդյունավետ իրականացմանը: Հավելենք, որ <<Մանրէաբանական կենսատեխնոլոգիաների և կենսավառելիքի նորարարական կենտրոնի>> ստեղծումը կնպաստի գարեջրի, կաթնամթերքի, գինու և այլ արտադրություններում նոր մանրէաբանական տեխնոլոգիաների մշակմանն ու ներդրմանը:
 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...