Նորություններ

Մեկնարկել է ՆՄՀ դրամաշնորհային ծրագրի մշտադիտարկման երկրորդ փուլը

07.12.2016

     Դեկտեմբերի 6-ին ՀՀ կրթության և գիտության նախարարության և ԿԾԿ ԾԻԳ-ի ներկայացուցիչները աշխատանքային այցով եղան Հայաստանի ազգային պոլիտեխնիկական համալսարանի ՏՏ ուսումնահետազոտական նորարարական կենտրոնում: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: (ՀԱՊՀ) Գիտության և գիտատեխնոլոգիական համագործակցության գծով պրոռեկտոր, ծրագրի ղեկավար Արեգ Գրիգորյանը ներկաներին ծանոթացրեց ՆՄՀ շրջանակներում «Տեխնոլոգիական ինովացիոն հարթակ» դրամաշնորհային ծրագրի ընթացիկ աշխատանքներին: Նշենք, որ դրամաշնորհային ծրագրի իրականացումը մեկնարկել է 2015 թվականի դեկտեմբերին «Կրթության բարելավում» վարկային ծրագրի շրջանակներում: Սույն թվականի դեկտեմբերին ավարտվում է դրամաշնորհային ծրագրի երրորդ փուլը: Այս փուլի ավարտին կատարված մշտադիտարկման արդյունքում ներկաներն արձանագրեցին, որ ամփոփվել է ՀԱՊՀ գիտակրթական ինովացիոն գործունեության երկարաժամկետ պլանի կազմումն ու մշակումը. այն հաստատված է և կիրարկման փուլում է: Նախատեսվում է նաև ՀԱՊՀ գիտակրթական ինովացիոն գործունեության երկարաժամկետ պլանի հրատարակումը և տրամադրումը բուհի ուսումնական և գիտակրթական ստորաբաժանումներին: Ստեղծվել և ձևավորվել է ինովացիոն խորհուրդ, ավարտին են մոտենում Ինովացիոն հարթակի հայեցակարգի մշակմանն ուղղված աշխատանքները: Ձեռք են բերվել «Հեռահաղորդակցական և տեղեկատվական տեխնոլոգիաների լաբորատորիայի» սարքավորումները, իրականացվել են ինովացիոն ծառայությանն առնչված աշխատակիցների վերապատրաստման դասընթացներ: Դրամաշնորհային ծրագրի ղեկավար Արեգ Գրիգորյանի խոսքով Տեխնոլոգիական ինովացիոն հարթակը կարող է դառնալ գիտական հետազոտությունից արտադրություն տանող ճանապարհը: Նշվեց նաև, որ ծրագիրը ներկայացվում է տարբեր միջոցառումների ընթացքում՝ ապահովելով շահառուների իրազեկվածությունը:
Հիշեցնենք, որ առաջին փուլի ավարտին դրամաշնորհային ծրագրով նախատեսված երկրորդ կարևոր բաղադրիչի «Նորարարության դպրոցի» հիմնումը և երկամսյա դասընթացների կազմակերպումը հաջողությամբ իրականացվել էր և ծրագրի երրորդ փուլի ավարտին ներկաներն արդեն ծանոթացան «Նորարարության դպրոցի» հիման վրա մշաված համապատասխան «Նորարարություն» դասընթացի առարկայական ծրագրին, որը ընթացիկ ուսումնական տարվա երկրորդ կիսամյակից սկսածկներդրվի բուհի ուսումնական գործընթացում՝ սկզբնապես վերապատրաստումների շրջանակներում, այնուհետև մագիստրոսական և հետազոտական ծրագրերում տարբեր մասնագիտությունների համար: Հանդիպման ընթացքում քննարկվեցին նախատեսված այլ լաբորատորիաների սարքավորումների գնման գործընթացների կազմակերպմանն առնչվող մի շարք հարցեր:
Հավելենք, որ դրամաշնորհային ծրագրի իրականացումը միտված է համալսարանի գիտական ու նորարարական աշխատանքների ծավալմանն ու հետագա ապրանքայնացմանը: Ներկաները հուսով էին, որ ընթացիկ դրամաշնորհային ծրագիրի իրականացումը կնպաստի բուհում կրթության որակի գիտահետազոտական և նորարարական աշխատանքների արդյունավետության բարձացմանը:

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...