Նորություններ
Աշխատանքային այց՝ Արարատ քաղաքի ավագ դպրոց
16.11.2016
Նոյեմբերի 14-ին «Կրթության բարելավում» ծրագրի շրջանակներում իրականացվող աշխատանքների համատեքստում աշխատանքային այցով ՀՀ Արարատի մարզում էր ԿԾԿ ԾԻԳ-ի ներկայացուցիչ «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի ղեկավար Պետրոս Քարամյանը: Աշխատանքային այցի նպատակը ՀՀ Արարատի մարզի Արարատ քաղաքի ավագ դպրոցի հիմնանորոգման ընթացիկ աշխատանքներին ծանոթանալն էր: Վերոնշյալ ավագ դպրոցը ներկայումս «Աջակցություն միջնակարգ դպրոցի երրորդ աստիճանի զարգացմանը» ենթաբաղադրիչի աշխատանքների շրջանակներում իրականացվող վերանորոգման ծրագրում ընդգրկված 17 ավագ դպրոցների շարքում է: Հիշեցնենք, որ Ծրագրի իրականացումը մեկնարկել է 2015 թվականին: Հանդիպման ընթացքում քննարկվեցին վերոնշյալ ավագ դպրոցի հիմնանորոգման իրականացման հետ կապված առկա մի շարք խնդիրներ և դրանց լուծման որոշակի առաջարկներ: Շինհրապարակում ներկա էին նաև կապալառու կազմակերպության՝ «Բաղրամյանշին» ԲԲԸ-ի ներկայացուցիչները: Ներկաները շրջեցին շինհրապարակի ողջ տարածքում քննարկեցին նախագծային և շինարարական աշխատանքներին առնչվող մի շարք հարցեր:ԿԾԿ ԾԻԳ-ի ներկայացուցիչը արձնագրեց , որ արդեն ավարտին են հասցվել դպրոցի շենքի կազմաքանդման աշխատանքները, իսկ տանիքի կառուցման, պատուհանների տեղադրման, շենքի հիմքերի ուժեղացման և ամրացման աշխատանքները ընթացքում են: Կատարվում են նաև դպրոցի հարակից տարածքի բարեկարգման աշխատանքներ: Ներկաները փաստեցին, որ «Կրթության բարելավում» ծրագրի իրականացումը նպաստում է ընտրված դպրոցների ենթակառուցվածքների վերականգնմանն ու բարելավմանը: