Նորություններ

Համաշխարհային Բանկի պատվիրակության այց Ճարտարապետության և շինարարության Հայաստանի ազգային համալսարան

24.09.2016

    Սեպտեմբերի 23-ին աշխատանքային այցով Ճարտարապետության և շինարարության Հայաստանի ազգային համալսարանում (ՃՇՀԱՀ) էին Համաշխարհային բանկի (ՀԲ) «Կրթության բարելավում» ծրագրի թիմի համաղեկավարներ Նինո Կուտատելաձեն և Սորեն Նելմանը, գնումների մասնագետ Բենեդիկտա Օլիվերոսը, ՀԲ երևանյան գրասենյակի կրթության փորձագետ Անուշ Շահվերդյանը և ԿԾԿ ԾԻԳ-ի ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ավարտված և ընթացիկ ծրագրերին ծանոթանալն էր: Հյուրերին ողջունեց Ճարտարապետության և շինարարության Հայաստանի ազգային համալսարանի ռեկտոր Գագիկ Գալստյանը: Նա շեշտեց, որ նման դրամաշնորհային ծրագրերի իրականացումը ճարտարապետաշինարարական կրթություն ստացող ուսանողներին հնարավորություն կտա ձեռքբերել գործնական հմտություններ, որոնք կարևոր պայմաններ են թե՝ որակյալ, ժամանակակից կրթություն ապահովելու տեսանկյունից, թե՝ հետագայում աշխատաշուկայում պատշաճ տեղ զբաղեցնելու համար: Գալստյանը ընդգծեց նաև, որ դրամաշնորհային ծրագրերը լավ խթան են կրթության արդիականացման և բարեփոխման գործընթացը առավել ամբողջականացնելու տեսանկյունից, ինչն էլ բուհն իրականացնում է՝ ընդլայնելով համագործացության շրջանակը և ներառելով թե բիզնես գործընկերների, թե այլ դոնոր կազմակերպությունների հետ: Հյուրերը ՃՇՀԱՀ ներկայացուցիչների ուղեկցությամբ շրջեցին բուհի տարածքում և ծանոթացան ՆՄՀ շրջանակներում Ճարտարապետական և շինարարական մասնագիտությունների ուսումնագիտափորձարարական լաբորատորիայի ստեղծման աշխատանքներին: Նշենք, որ 2015 թվականի դեկտեմբերին բուհում մեկնարկել է «Ճարտարապետական և շինարարական մասնագիտությունների ուսումնական ծրագրերի արդիականացումը՝ նորագույն տեխնոլոգիաներով հագեցած ուսումնագիտափորձարարական լաբորատորիայի ստեղծմամբ» ծրագիրը «Կրթության բարելավում» վարկային ծրագրի շրջանակներում: Այս դրամաշնորհային ծրագրի շրջանակներում ընթացքում է Ճարտարապետական և շինարարական նյութագիտության, տեխնոլոգիաների ու կոնստրուկցիաների հիմնահարցերին առնչվող մասնագիտությունների կրթական ծրագրերի արդիականացում և վերանայում, բուհի կարողությունների հզորացմանը միտված արդիական ուսումնագիտափորձարարական լաբորատոր բազայի ստեղծումը: Ծրագրի շրջանակներում ավարտին է մոտենում լաբորատորիայի տարածքի վերանորոգումը, ամփոփվել է փորձարարական սարքերի, անհրաժեշտ այլ սարքավորումների ու գույքի ձեռքբերման գործընթացը: Ընթացքում են լաբորատոր սարքավորումների մատակարարման և կրթական ծրագրերի վերանայման գործընթացները: Հյուրերը շրջեցին նաև ՆՄՀ շրջանակներում 2013 թ.-ին «Կրթական ծրագրերի կենտրոն» ԾԻԳ-ի և ՃՇՀԱՀ–ի միջև դրամաշնորհային պայմանագրով ստեղծված «Շրջակա միջավայրի, ջրային պաշարների պահպանության և արդյունավետ օգտագործման հիմնահարցերի ուսունագիտական լաբորատորիայում», որն իրականացնում է հանրապետության տարածքում հիդրոշինարարական կառույցների փորձաքննություն: Լաբորատորիայի աշխատակիցը ներկայացրեց այստեղ իրականացվող ծրագրերը, որոնք ներառում են թե ուսումնական գործընթացներ, թե գործարար ոլորտի հետ համագործակցության օրինակներ: Ժամանակակից սարքավորումներով զինված այսպիսի կենտրոնները մոտ ապագայում որակի նոր չափանիշ կդառնան ոչ միայն ՃՇՀԱՀ-ի, այլև տվյալ բնագավառի համար ընդհանրապես: 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...