Նորություններ

Ստոմատոլոգիական կրթության գերազանցության կենտրոն՝ ՆՄՀ դրամաշնորհով

13.07.2016

 Հուլիսի 13-ին ՀՀ կրթության և գիտության  նախարարության և ԿԾԿ ԾԻԳ-ի ներկայացուցիչները աշխատանքային այց են կատարել Երևանի պետական բժշկական համալսարան (ԵՊԲՀ): Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: ՀՀ ԿԳՆ և ԿԾԿ ԾԻԳ-ի ներկայացուցիչները ԵՊԲՀ դրամաշնորհային ծրագրի համակարգող Արամ Բայկովի ուղեկցությամբ ծանոթացան ՆՄՀ շրջանակներում հիմնվող ՙՍտոմատոլոգիական կրթության գերազանցության կենտրոնի՚ ստեղծման ընթացիկ աշխատանքներին: Ծրագրի իրականացումը մեկնարկել է 2015 թվականի դեկտեմբերին «Կրթության բարելավում» վարկային ծրագրի շրջանակներում: Ծրագրի համակարգողը ներկայացրեց, որ  ԵՊԲՀ դրամաշնորհային ծրագրի շրջանակներում նախատեսվում է ստեղծել Ստոմատոլոգիական կրթության գերազանցության կենտրոն՝ հագեցած գործնական հմտությունների և կլինիկական մտածելակերպի զարգացմանը նպաստող սարքավորումներով, մոդելներով, ֆանտոմներով, սիմուլյատորներով և ծախսանյութերի պաշարով: Կենտրոնի հիմնումը կնպաստի  ստոմատոլոգիական բարձրագույն կրթության արդյունավետության և որակի բարձրացմանը, դրանում նորարարական տարրերի ներդրմանը: Ստոմատոլոգիական կրթության գերազանցության կենտրոնի ստեղծումը  իրականացվում է դրամաշնորհային ծրագրով սահմանված  փուլերի համաձայն: Երկրորդ փուլի ավարտին կատարված մշտադիտարկման արդյունքում ամրագրվեց, որ ավարտվել է կենտրոնի համար նախատեսված տարածքի վերակառուցման ու վերանորոգման  աշխատանքների նախագծումը, ձեռք է բերված անհրաժեշտ կահույքը և համակարգչային տեխնիկան: Վերանորոգման աշխատանքները կմեկնարկեն առաջիկայում: Ընթացքում է ստոմատոլոգիական վարժասարքերի և ծախսանյութերի ձեռքբերման գործընթացը: Դրամաշնորհային ծրագրի համակարգողը ծանոթացրեց կոնսորցիումի գործընկերների հետ համագործակցության ընթացքին: Նշենք, որ դրամաշնորհային ծրագրի շրջանակներում  ստեղծված  կոնսորցիումն ունի երեք մասնակից, որոնցից մեկը Հայաստանի պերիոդոնտոլոգների ասոցիացիա հասարակական կազմակերպությունն է, մյուս երկուսը՝ ոլորտում գործող ստոմատոլոգիական կլինիկաներ: Բուհն իրականացրել է նաև  աշխատաշուկայի ներկայիս պահանջներին, միջազգային չափանիշներին համապատասխան ստոմատոլոգիական մասնագիտության կրթական ծրագրի մշակման աշխատանքները: Ծրագրի շրջանակներում նախատեսվում է չորս մասնագիտական առարկաներից՝ մանկական, օրթոպեդիկ, վիրաբուժական, թերապևտիկ ստոմատոլոգիայի հայալեզու ուսումնամեթոդական ձեռնարկների կազմում, մշակում ու  տպագրում: Հիշեցնենք, որ 2015 թվականից Երևանի պետական  բժշկական համալսարանում գործում է ՙԳործնական հմտությունների սիմուլյացիոն ուսումնական կենտրոնը՚, որը ստեղծվել է«Կրթության որակ և համապատասխանություն» երկրորդ  վարկային ծրագրի շրջանակներում ստացված ՆՄՀ դրամաշնորհով:

 

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...