Նորություններ

Լաբորատորիաներ՝ ՀՀ մանկավարժական բուհերում

26.04.2016

 Խ. Աբովյանի անվան հայկական պետական մանկավարժական համալսարանում ապրիլի 25-ին ներկայացվել են ուսումնափորձնական 4 լաբորատորիաներ: Բուսաբանության և բույսերի ֆիզիոլոգիայի, Աշխարհագրության գիտակրթական, Ընդհանուր և անօրգանական քիմիայի, Ֆիզիկայի ուսուցման մեթոդիկայի լաբորատորիաների բացման արարողությանը մասնակցել են ՀՀ կրթության և գիտության նախարար Լևոն Մկրտչյանը, ՀՊՄՀ ռեկտոր Ռուբեն Միրզախանյանը, «Կրթական ծրագրերի կենտրոն» ԾԻԳ-ի ներկայացուցիչներ: Ուսումնափորձնական լաբորատորիաները ստեղծվել են Համաշխարհային բանկի վարկային միջոցներով՝ «Կրթության որակ և համապատասխանություն» վարկային երկրորդ ծրագրի «Աջակցություն բարձրագույն մանկավարժական կրթության բարեփոխումներին» բաղադրիչի շրջանակներում 2015 թվականին: Հյուրերը շրջել են նորաբաց լաբորատորիաներում, դիտել ներկայացված սարքերը, ծանոթացել կատարված աշխատանքներին և հետաքրքրվել՝ ուսումնական և հետազոտական գործընթացում դրանց կիրառության մասին: ՀՊՄՀ մասնագետները ներկայացրել են ժամանակակից տեխնիկայով և սարքավորումներով հագեցած լաբորատորիաները և վստահեցրել, որ դրանք կնպաստեն ուսումնական ու գիտական հետազոտությունների իրականացմանը, ուսանողների գործնական հմտությունների ձեռքբերմանը: ՀՀ ԿԳ նախարարը, կարևորելով տեխնիկական հագեցվածության բարձրացումը, նշել է. «Լաբորատորիաների բացումը ես համարում եմ համալսարանների ամենակարևոր արդյուքներից մեկը: Պիտի փորձենք ապագա ուսուցիչներին արդիական տեխնիկայով ապահովել: Համաշխարհային բանկի հետ համագործակցությամբ հատուկ ծրագիր է իրականացվել, որպեսզի այս համալսարանը և ուսանողները աշխարհի լավագույն լաբորատորիաներին համարժեք հնարավորություններ ունենան և դա հետագայում իբրև ուսուցիչներ կիրառեն դպրոցներում՚: ՀՀ ԿԳ նախարար Լևոն Մկրտչյանը հույս է հայտնել, որ ﬕ օր դպրոցներն էլ կունենան նմանատիպ լաբորատորիաներ:
Հավելենք ,որ «Կրթության որակ և համապատասխանություն» վարկային երկրորդ ծրագրի «Աջակցություն բարձրագույն մանկավարժական կրթության բարեփոխման ծրագրին» բաղադրիչի շրջանակներում նմանատիպ լաբորատորիաներ են ստեղծվել նաև չորս մարզային բուհերում՝ Գավառի պետական համալսարան, Գյումրու պետական մանկավարժական ինստիտուտ, Վանաձորի պետական համալսարան: Այս հինգ բուհերում նույն բաղադրիչի շրջանակներում ստեղծվել են նաև ռեսուրս կենտրոններ:Ծրագրի նշանակալի ձեռքբերումներից է եղել նաև Խ. Աբովյանի անվան հայկական պետական մանկավարժական համալսարանի և ֆինլանդիայի Օուլուի համալսարանի միջև շուրջ քառամյա համագործակցության հաստատումը, որի շրջանակներում վերանայվել և զարգացվել են բուհի կառավարման համակարգը, դասախոսների վերապատրաստման, ուսանողական պրակտիկայի կազմակերպման մեխանիզմները, ինչպես նաև բակալավրական և մագիստրոսական ուսումնական ծրագրերը: Համագործակցությունը երկու բուհերի միջև շարունակում է նաև վարկային ծրագրի շրջանակներից դուրս՝ նպաստելով մանկավարժական կրթության շարունակական բարեփոխմանը և բուհի միջազգայնացմանը:

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...