Նորություններ

Ընթացել են ատեստավորման ենթակա ուսուցիչների վերապատրաստման երկրորդ տարվա աշխատանքները

01.11.2015

Նոր ուսումնական տարվա նախօրյակին հաջողությամբ ավարտվեց ուսուցիչների վերապատրաստման գործընթացը: Ինչպես հայտնի է ուսուցիչների վերապատրաստումն իրականացվում է վերջիններիս ատեստավորմանը նախապատրաստելու նապատակով: Ինչպես նախորդ տարի, այս տարի ևս ուսուցիչ վերապատրաստելու իրավունք էին ստացել 13 կազմակերպություններ: Առավելապես մեծ թվով ուսուցիչներ վերապատրաստվեցին <<Կրթության ազգային ինստիտուտ>> ՓԲԸ-ի և <<Կրթություն առանց սահմանի>> ՀԿ-ի կողմից: <<Կրթական ծրագրերի կենտրոն>> ԾԻԳ-ի կողմից իրականացվող << Կրթության որակ և համապատասխանություն>> երկրորդ վարկային ծրագրին համապատասխան կնքվել են 29 դրամաշնորհային պայմանագրեր` 299 ուսումնական խմբերում վերապատրաստումներ իրականացնելու համար: Միայն դրամաշնորհային ծրագրերի իրականացման շնորհիվ ամառան ընթացքում վերապատրաստվեցին շուրջ վեց հազար ուսուցիչներ` գրեթե նույնքան, որքան նախորդ տարի: Նշված ժամանակաշրջանում վերապատրաստման դասընթացներ անցան հանրակրթական տասնյոթ առարկաների ուսուցիչներ և դասվարներ:
Ներկայումս <<Կրթական ծրագրերի կենտրոն>> ԾԻԳ-ի կողմից վերլուծվում են ուսուցիչ վերապատրաստող երաշխավորված կազմակերպությունների կողմից ներկայացված ծրագրային և ֆինանսական հաշվետվությունները: Արդյունքների վերլուծության հիման վրա կմշակվեն առաջարկություններ` առաջիկա տարիներին ուսուցիչների ատեստավորման և մինչ ատեստավորումը նրանց վերապատրաստման գործընթացն ավելի արդյունավետ և նպատակային կազմակերպելու համար, չէ որ <<Հանրակրթության մասին>> ՀՀ օրենքի համաձայն վերապատրաստումը պարտադիր, 5 տարի պարբերականությամբ շարունակական գործընթաց է: 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...