Հայտարարություններ
« Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում նախադպրոցական կրթության համակարգի զարգացմանը, նոր ու արդյունավետ մոտեցումների ներդրմանը նպաստող միկրոծրագրերի մրցույթ
05.09.2022
ՀՀ Կրթության գիտության, մշակույթի և սպորտի նախարարությունը՝ Համաշխարհային բանկի ֆինանսական աջակցությամբ, սկսել է նախադպրոցական կրթության ծրագրի իրականացումը, որը նախատեսում է մրցութային հիմունքներով դրամաշնորհների հատկացում նախադպրոցական միկրոծրագրեր իրականացնող հաստատություններին։
Մրցույթին կարող են մասնակցել ՀՀ Արմավիրի, Արագածոտնի, Արարատի Գեղարքունիքի, Կոտայքի մարզերի հանրակրթական ուսումնական հաստատությունները, որոնք կներկայացնեն համապատասխան միկրոծրագրեր։
Դրամաշնորհները տրվում են մեկ տարի ժամկետով։
Ծրագրի նպատակն է` նախադպրոցական կրթության համակարգում երեխաների ընդգրկվածության մեծացում։ Հաստատությունների կողմից ներկայացվող միկրոծրագրերը պետք է նպատակաուղղված լինեն`
նախադպրոցական կրթության ծառայությունների որակի բարձրացմանը,
նախադպրոցական կրթության համակարգի մատչելիության մեծացմանը,
նախադպրոցական կրթության իրականացման նոր` քիչ ծախսատար ծառայությունների ներդրմանը,
երեխային տարրական դպրոցին նախապատրաստմանը, նախադպրոցական տարիքի երեխայի կարողությունների և հմտությունների զարգացմանը նպաստելուն,
հաստատության աշխատանքների կազմակերպման գործում տեղական ինքնակառավարման մարմինների և ծնողների մասնակցության բարձրացմանը և այլն։
Նախադպրոցական կրթության նորովի կազմակերպումը, ծրագրերում առաջադրված խնդիրների լուծումը պետք է իրականացվեն համայնքի և ծնողների լայն մասնակցությամբ։Հայտերի ընդունման վերջնաժամկետը` 2022թ. հոկտեմբերիի 17-ը։
Դիմումի ձևին կարելի է ծանոթանալ այստեղ`(հայտ, դիմում, բյուջե, Ղեկավար ձեռնարկ)։