Նորություններ

Նոր ուսումնական տարվա մեկնարկին հանրակրթական ուսումնական հաստատությունները վերազինվել են համակարգչային սարքավորումներով

05.09.2021

Համաշխարհային բանկի համաֆինանսավորմամբ և ԿԳՄՍ նախարարության Կրթական ծրագրերի կենտրոնի աջակցությամբ «Կրթության բարելավում» վարկային ծրագրի «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի շրջանակներում երեք փուլերով իրականացվում էլ հանրակրթական ուսումնական հաստատությունների համակարգչային սարքավորումների վերազինում կարիքների գնահատման հիման վրա:Հիշեցնենք, որ 2020 թվականի ընթացքում տվյալ գործողության շրջանակներում համակարգչային սարքավորումներ են տրամադրվել ընդհանուր առմամբ 305 ուսումնական հաստատություների, այդ թվում հեռավար դասընթացներ անցկացնելու նպատակով 101 ուսումնական հաստատություններում տեխնիկապես կահավորվել է մեկական դասասենյակ, ինչպես նաև 99 ավագ դպրոցների տրամադրվել է կոնֆերանս տեսախցիկ:
Հավելենք, որ նույն ժամանակահատվածում իրականացվել են հանրակրթական ուսումնական հաստատությունների ներկայացուցիչների վերապատրաստումներ` առարկաների դասավանդման և ուսումնական հաստատությունների վարչարարության ընթացքում ՏՀՏ-ի կիրառումը խթանելու նպատակով: 2018-2020 թվականներին վերապատրաստվել են ավելի քան 3000 ուսուցիչներ, իսկ 2021 թվականին ընթացքում է ևս 1000 ուսուցիչների և վարչական աշխատողների վերապատրաստում:
Վերապատրաստված ուսուցիչների ձեռք բերած գիտելիքների օգտագործումը առարկաների դասավանդման ընթացքում հնարավոր և առավել արդյունավետ դարձնելու, հանրակրթական ուսումնական հաստատություններում ինտերակտիվ դասավանդումը խթանելու նպատակով «Կրթական ծրագրերի կենտրոն» ԾԻԳ-ը նոր ուսումնական տարվա մեկնարկին հանրակրթական ուսումնական հաստատություններին տրամադրել է համակարգչային սարքավորումների մեկական շարժական համակազմ՝ բաղկացած մեկ պրոյեկտորից և մեկ դյուրակիր համակարգչից։ Հավելենք, որ շահառու ուսումնական հաստատությունների ցանկը կազմելու նպատակով ԿԾԿ ԾԻԳ-ի կողմից նախապես իրականացվել է կարիքների գնահատման արդյունքների վերլուծություն, որի արդյունքում 272 հանրակրթական ուսումնական հաստատությունների տրամադրվել մեկական պրոյեկտոր, որոնցից 259-ին նաև մեկական դյուրակիր համակարգիչ: Այսպիսով՝ ՀՀ բոլոր հանրակրթական ուսումնական հաստատությունները համալրված են պրոյեկտորով և դյուրակիր համակարգչով։ Հավելենք, որ 2021 թվականին կոնֆերանս տեսախցիկներ կտրամադրվեն նաև թվով 8 ավագ դպրոցներին, որոնք 2020թ. գտնվում էին հիմնանորոգման ընթացքում:
 

Նորություններ

05.10.2021 ՀՀ ԿԳՄՍ նախարարը այց է իրականացրել հիմնանորոգված ՀՊՄՀ հենակետային վարժարանում Ուսուցչի տոնի շրջանակում ՀՀ կրթության, գիտության, մշակույթի և սպորտի նախարար Վահրամ Դումանյանն այցելել է Հայաստանի պետական մանկավարժական համալսարանի (ՀՊՄՀ) հիմնանորոգված հենակետային վարժարան՝ ծանոթանալու դպրոցի նոր պայմաններին և տոնի կապակցությամբ շնորհավորելու մանկավարժական համայնքին: Շրջայցին մասնակցել են նաև նախարարի տեղակալ Ժաննա Անդրեասյանը, «Կրթական ծրագրերի կենտրոն» ԾԻԳ-ի տնօրենի պաշտոնակատար Գրիշա Հովհաննիսյանը, ՀՊՄՀ ռեկտորի պաշտոնակատար Աշոտ Խոեցյանը, պաշտոնատար այլ... 28.09.2021 Մայաքաղաքի և մարզային հանրակրթական ուսումնական հաստատությունների շուրջ 4500 ներկայացուցիչներ վերապատրաստվել են Կրթության բարելավում ծրագրի շրջանակներում Սեպտեմբերին մայրաքաղաքում և ՀՀ բոլոր մարզերում ամփոփվեցին հանրակրթական ուսումնական հաստատությունների ներկայացուցիչների ՏՀՏ վերապատրաստաման դասընթացները, որոնք իրականացվել են կանադական հեղինակավոր Ագենս Յունիվերսարի Դե Լա Ֆրանկոֆոն կազմակերպության կողմից վերապատրաստված և միջազգային հավաստագիր ստացած տեղական դասախոսների կողմից՝ նույն կազմակերպության կողմից մշակված մոդուլներով: Հասցեական վերապատրաստումներն ընթացել են մի քանի փուլերով՝ ընդգրկելով հանրապետության բոլոր մարզերը և... 28.09.2021 Ամփոփվել են հանրակրթական դպրոցների ուսուցիչների համար նախատեսված տեղեկատվական սեմինարները ‹‹Կրթության բարելավում» վարկային ծրագրի շրջանակներում սեպտեմբերին ամփոփվել են հանրակրթական դպրոցների ուսուցիչների համար նախատեսված տեղեկատվական սեմինարները, որոնց նպատակն էր իրազեկել ուսուցիչներին այն նոր փոփոխությունների մասին, որոնք տեղ են գտել վերանայված հանրակրթության պետական չափորոշչում և առարկայական չափորոշիչներում և ծրագրերում` վեց ուսումնական ոլորտների մասով. «Հայոց լեզու, գրականություն», «Օտար լեզուներ», «Հասարակություն,...