Կրթական ծրագրերի կենտրոն Կրթության, գիտության, մշակույթի և սպորտի նախարարություն

Վ. Բրյուսովի անվան պետական համալսարանը (այսուհետ՝ ԲՊՀ) իրականացնում է «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագիրը (այսուհետ՝ Ծրագիր)` «Կրթության բարելավում» վարկային ծրագրի շրջանակներում իրականացվող «Հայաստանի բարձրագույն կրթության նորարարությունների մրցակցային հիմնադրամի» ֆինանսավորմամբ:
Ծրագրի նպատակն է զարգացնել լեզվահասարակագիտական մասնագիտությունների ոլորտում տեխնոլոգիահենք կրթությունն ու հետազոտությունը Հայաստանի Հանրապետությունում՝ պատրաստելով մասնագետներ հաշվողական լեզվաբանություն, համընթաց թարգմանություն, կրթության գնահատման և թեստավորում միջոլորտային մասնագիտություններով: Ծրագիրը նաև նպատակ ունի զարգացնել թվային միջավայրում հայերենի լիարժեք օգտագործումը և ներդնել հայերենի իմացության մակարդակների գնահատման գործիքակազմ: Ծրագրի իրականացումը կխթանի կրթություն-հետազոտություն-նորարարություն կապը:
Ծրագրի նպատակների իրագործումը ապահովելու համար նախատեսվում է.
• ներդնել բակալավրի «Հաշվողական լեզվաբանություն» և մագիստրոսի «Համընթաց թարգմանություն» ՄԿԾ-երը, խթանել «Կրթության գնահատում և թեստավորում» նորաստեղծ ՄԿԾ-ի իրականացումը,
• հիմնել «ՀայԼինգվոՏեք» գիտաուսումնական կենտրոն՝ իր տեխնոպարկով, որի գործունեությունը կներառի հաշվողական լեզվաբանության, բնական լեզվի մշակման և թեստավորման ոլորտներում հետազոտությունների իրականացումը՝ դիտարկելով հայերենը որպես թիրախային լեզու, և «ՀայԼինգվոՏեք»-ի հետազոտական-նորարարական աշխատանքների արդյունքներն արտացոլել ներդրվող ՄԿԾ-երում՝ ստեղծելով հետադարձ կապ:
Մասնավորապես, Ծրագրի նպատակներից է. մշակել և ԲՊՀ-ում ներդնել «Հաշվողական լեզվաբանություն» բակալավրական ՄԿԾ-ն:

ՀԱՏՈՒԿ ԱՌԱՋԱԴՐԱՆՔ

Խորհրդատվական ծառայությունը մատուցող Բնական լեզուների ավտոմատ մշակման (Արհեստական բանականություն և մեքենայական ուսուցում, Բնական լեզուների ավտոմատ մշակում) ուղղությամբ անհատ խորհրդատուն, իր պայմանագրի ժամանակահատվածում կիրականացնի ներքոնշյալ աշխատանքները մեկ փուլով։

- Ուսումնասիրել «Հաշվողական լեզվաբանություն» բակալավրական ՄԿԾ-ի վերաբերյալ միջազգային փորձի վերլուծության արդյունքները և միջազգային փորձի վերլուծությամբ զբաղվող անհատ խորհրդատուի առաջարկները:
- Մշակել «Հաշվողական լեզվաբանություն» բակալավրական ՄԿԾ-ի «Բնական լեզուների ավտոմատ մշակում» և «Արհեստական բանականություն և մեքենայական ուսուցում»/դասընթացների ուսումնառության վերջնարդյունքները՝ ապահովելով այդ վերջնարդյունքների համապատասխանությունը ՀՀ ՈԱՇ-ի 6-րդ մակարդակի բնութագրիչներին:
- Համադրել «Բնական լեզուների ավտոմատ մշակում» և «Արհեստական բանականություն և մեքենայական ուսուցում» դասընթացների համար մշակված ուսումնառության վերջնարդյունքների համապատասխանությունը «Հաշվողական լեզվաբանություն» ՄԿԾ-ով ուսումնառության ավարտին ակնկալվող վերջնարդյունքների հետ և, ըստ անհրաժեշտության, իրականացնել դրանց վերանայում:
- Որոշարկել «Բնական լեզուների ավտոմատ մշակում» և «Արհեստական բանականություն և մեքենայական ուսուցում» դասընթացների ծավալը և բեռնվածությունը՝ արտահայտելով ԿՓԿՀ կրեդիտներով:
- Մշակել «Բնական լեզուների ավտոմատ մշակում» և «Արհեստական բանականություն և մեքենայական ուսուցում» դասընթացների նկարագրի վերջնական տարբերակը՝ ներառյալ տիտղոսաթերթը, դասընթացների նպատակն ու խնդիրները, ակնկալվող վերջնարդյունքները, ուսումնառության և գնահատման ձևերը, թեմատիկ պլանավորումն ըստ շաբաթների, գրականության ցանկն ու հղումները:
- Մասնակցել «Հաշվողական լեզվաբանություն» բակալավրական ՄԿԾ-ի մասնագիտական պրակտիկայի, կուրսային աշխատանքի և ավարտական աշխատանքի պահանջների մշակմանը, կազմել «Բնական լեզուների ավտոմատ մշակում» և «Արհեստական բանականություն և մեքենայական ուսուցում» դասընթացներին առնչվող պահանջների նկարագրերը:
- Մշակել «Բնական լեզուների ավտոմատ մշակում» և «Արհեստական բանականություն և մեքենայական ուսուցում» թեմայով վերապատրաստման դասընթաց, ներառյալ՝ ուսումնառության վերջնարդյունքները, գրականության ցանկը, վարժանքները և գնահատման ձևը՝ Վ. Բրյուսովի անվան պետական համալսարանի լեզվաբան-մասնագետների համար:
- Ներկայացնել վերապատրաստման ծրագիրը «Հաշվողական լեզվաբանություն» բակալավրական ՄԿԾ-ի ԱԽ-ի համակարգողին` դիտարկումների:
- Կազմակերպել վերապատրաստում` «Բնական լեզուների ավտոմատ մշակում» և «Արհեստական բանականություն և մեքենայական ուսուցում» մոդուլների/դասընթացներ թեմաներով Վ. Բրյուսովի անվան պետական համալսարանի առնվազն 7 լեզվաբան-մասնագետների համար:
- Վերապատրաստման ավարտին կազմակերպել «Բնական լեզուների ավտոմատ մշակում» և «Արհեստական բանականություն և մեքենայական ուսուցում» թեմաներով գիտելիքի և հմտությունների գնահատում և արդյունքները ներկայացնել «Հաշվողական լեզվաբանություն» բակալավրական ՄԿԾ-ի ԱԽ-ի համակարգողին։
- Փուլի ավարտին ներկայացնել «Բնական լեզուների ավտոմատ մշակում» և «Արհեստական բանականություն և մեքենայական ուսուցում» դասընթացների նկարագրի վերջնական տարբերակը «Հաշվողական լեզվաբանություն» բակալավրական ՄԿԾ-ի մշակման ԱԽ-ի համակարգողին՝ դիտարկումների նպատակով և դրանց առկայության դեպքում, վերանայել այն:
- Փուլի ավարտին պատրաստել հաշվետվություն և ներկայացնել Ծրագրի ղեկավարին՝ ներառելով այս փուլում մշակված փաստաթղթերը, ինչպես նաև ԱԽ-ի համակարգողի դիտարկումները:
- Ծրագրի ղեկավարի կողմից նկատառումների ու առաջարկությունների դեպքում, լրամշակել և Վ. Բրյուսովի անվան պետական համալսարանի ռեկտորի հաստատմանը ներկայացնել հաշվետվությունը:

ԱՇԽԱՏԱՆՔՆԵՐԻ ԿԱՏԱՐՄԱՆ ԺԱՄԱՆԱԿԱՑՈՒՅՑ
Բնական լեզուների ավտոմատ մշակման (Արհեստական բանականություն և մեքենայական ուսուցում, Բնական լեզուների ավտոմատ մշակում) անհատ խորհրդատուի աշխատանքները կիրականացվեն 2021թ. մայիսից հուլիսի 30-ը ընկած ժամանակահատվածում:

Որակավորման նվազագույն պահանջները և գնահատման չափանիշները.
Չափանիշը Առավելագույն միավորը
Որակավորում ՝
- բարձրագույն կրթություն ՏՀՏ ոլորտում,
- հայերենի գերազանց, իսկ ռուսերենի և անգլերենի՝ լավ իմացություն։ 30
Ընդհանուր փորձառություն՝
- առնվազն 5 տարվա համապատասխան ոլորտով աշխատանքի փորձ բարձրագույն ուսումնական հաստատությունում, որից առնվազն 3 տարին՝ գիտամանկավարժական գործունեության փորձ,
- համապատասխան ոլորտում (մեքենայական ուսուցում) դասախոսների վերապատրաստման փորձ, 30
Հատուկ փորձառություն՝
- տեղեկատվական տեխնոլոգիաների մասնագիտական առանձնահատկությունների, գործնական խնդիրների և դրանց տեսականացված հիմնավորումների իմացությունը կդիտարկվի որպես առավելություն,
- տեղեկատվական տեխնոլոգիաների կրթական ծրագրի և/կամ դասընթացի/մոդուլի նկարագրի կազմման, գնահատման և ուսուցման մեթոդների մշակման և կիրառման փորձ։ 40

«Խորհրդատուի ընտրությունը կիրականացվի «Ուղեցույց. ՄԶՎԲ վարկերի և ՄԶԸ փոխառությունների և դրամաշնորհների շրջանակներում Համաշխարհային Բանկի Փոխառուի կողմից խորհրդատուների ընտրություն և վարձույթ» («Խորհրդատուների ուղեցույց», 2011թ. հունվար, վերանայված 2014 հուլիս) «Անհատ խորհրդատուի ընտրություն» ընթացակարգի համաձայն»:

Դիմող թեկնածուները դիմումին կից (դիմումի ձևը կցվում է) պետք է ներկայացնեն հետևյալ փաստաթղթերը.
 ինքնակենսագրական տվյալները (CV), որը պետք է պարունակի դիմողի վերաբերյալ հետևյալ տեղեկությունները` անունը, ազգանունը, ծննդյան թիվը, կրթությունը, մասնագիտությունը, մանրամասն աշխատանքային փորձը, աշխատանքների ցանկը և այլ անհրաժեշտ տեղեկատվություն:
 Կրթությունը հիմնավորող փաստաթղթեր:

Համապատասխան փորձ ունեցող մասնագետները կարող են դիմել աշխատանքային օրերին «Վ. Բրյուսովի անվան պետական համալսարան» հիմնադրամ` ք. Երևան, Թումանյան 42 հասցեով, 2303 սենյակ, կամ էլ. փոստով (ysulsvacancy@gmail.com) մինչև ս.թ. ապրիլի 11-ը, ժամը 17:00 ներառյալ:
Լրացուցիչ տեղեկությունների համար խնդրում ենք դիմել վերոհիշյալ հասցեով, էլեկտրոնային հասցեով, կամ հետևյալ հեռախոսահամարով. (+37411) 300 – 111/206:

 
«Վ. Բրյուսովի անվան պետական համալսարան» հիմնադրամ

Դիմող`
հասցե`
հեռախոս`
Էլ. փոստ`

Դիմում

Սույնով ցանկություն եմ հայտնում մասնակցել «Լեզվական և կրթական տեխնոլոգիաների «ՀայԼինգվոՏեք» գերազանցության կենտրոնի ստեղծում» դրամաշնորհային ծրագրի շրջանակներում «Հաշվողական լեզվաբանություն» բակալավրական ՄԿԾ-ի մշակման համար Բնական լեզուների ավտոմատ մշակման (Արհեստական բանականություն և մեքենայական ուսուցում, Բնական լեզուների ավտոմատ մշակում) ուղղությամբ անհատ խորհրդատուի ընտրության մրցույթին:

Կից ներկայացնում եմ տվյալներ իմ աշխատանքային փորձի և կրթության մասին:

Դիմող`

« » ——————————— 2021թ.