Նորություններ
Արաքսիա Սվաջյանն ուսումնական տարվա մեկնարկի առիթով այցելել է Երևանի թիվ 167 հիմնական դպրոց
03.09.2024
Գիտելիքի և դպրության օրվա կապակցությամբ ԿԳՄՍ նախարարի տեղակալ Արաքսիա Սվաջյանն այցելել է մի շարք ուսումնական հաստատություններ և շնորհավորել աշակերտներին ու մանկավարժներին:Այցի շրջանակում նախարարի տեղակալի առաջին կանգառը Երևանի թիվ 167 հիմնական դպրոցն էր: Արաքսիա Սվաջյանը շնորհավորել է Գիտելիքի օրվա կապակցությամբ և նշել, որ իրականացվող բարեփոխումների ֆոնին բազմաթիվ ծրագրեր են նախատեսվում, որոնք ուսումնական գործընթացն առավել հետաքրքրական կդարձնեն:
Օրվա շրջանակում դպրոցում տեղի է ունեցել նախակրթարանի բացում՝ նախատեսված 25 սանի համար: Դպրոցի ամենակրտսեր սովորողներին ևս շնորհավորել է Արաքսիա Սվաջյանը և մաղթել հետաքրքիր ուսումնառություն:
Նշենք, որ նախակրթարանը ստեղծվել է Համաշխարհային բանկի համաֆինանսավորմամբ «Կրթական ծրագրերի կենտրոն» ԾԻԳ-ի «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակում: Վերոնշյալ դպրոցը 20 կրթօջախներից մեկն է որտեղ այս տարի իրականացվում են նախադպրոցական միկրոծրագրեր:Ծրագրի արդյունքում իրականացվել է տարածքի վերանորոգում, նորաստեղծ նախակրթարսնը կահավորվել է անհրաժեշտ գույքով, ապահովվել նախադպրոցական կրթության կազմակերպման համար բոլոր անհրաժեշտ պարագաներով: Հարկ է նշել, որ իրականացվել է նաև դպրոցի տնօրենների և նախակրթարաններում աշխատող դաստիարակների վերապատրաստում: Նորաստեղծ նախակրթարանում պահպանված են ներառական կրթության կազմակերպման բոլոր պահանջները՝ արդյունքում նախակրթարանը ունի հարմարեցված միջավայր սահմանափակ հնարավորություններով երեխաների կրթության համար։ Սաների համար նախակրթարանը ապահովված է գեղեցիկ ու գունագեղ սենյակներով, հարմարավետ պահարաններով ու խաղալիքներով լի անկյուններով։
Արաքսիա Սվաջյանը շրջել է նախակրթարանում , ծանոթացել ընթացիկ պայմաններին, հետաքրքրվել խնդիրներով, սաներին ու դաստիարակներին հուզող հարցերով: Հաջորդ շաբաթ նախակրթարաններ կբացվեն նաև ՀՀ Արարատի, Լոռու, Կոտայքի, Գեղարքունիքի և Շիրակի մարզերում:
