Նորություններ
Իրականացվել են ստուգայցեր ԿԾԿ ԾԻԳ-ի բնապահպան-խորհրդատուի կողմից
01.07.2023
‹‹Դպրոցին երեխաների պատրաստվածության բարձրացում և կրթության հավասար մեկնարկային հնարավորությունների ապահովում›› ենթաբաղադրիչի աշխատանքների շրջանակում ՀՀ Արմավիրի և Արագածոտնի մարզերում դպրոցների հենքի վրա հիմնվող նախակրթարաններում իրականացվել են ստուգայցեր ԿԾԿ ԾԻԳ-ի բնապահպան-խորհրդատուի կողմից :
2023թ.-ի հունիս ամսին Ա. Կարապետյանը իրականացրել է ընտրանքային տեղային մոնիթորինգներ ՀՀ Արմավիրի և Արագածոտնի մարզերի Ակնաշենի, Մուսալեռի միջնակարգ դպրոցներում, եղել է Աշտարակի թիվ 3 հիմնական դպրոցում, որտեղ ընթացքի մեջ են շինարարական աշխատանքները նախակրթարանների հիմնման նպատակով: Ընտրանքային այցելությունների ժամանակ բնապահպան խորհրդատուն դիտարկել է նախակրթարանների հիմնման ընթացքում անվտանգության, բնապահպանական և սոցիալական կանոնների պահպանումը, շրջակա միջավայրի համար և կլիմայի փոփոխության տեսանկյունից անվնաս նյութերի և տեխնոլոգիաների ներդրումն ու օգտագործումը: Աշխատանքային այցերի շրջանակում Ա. Կարապետյանը արձանագրել է, որ շինարարական հրապարակները ցանկապատված են և նախազգուշացնող նշանները տեղադրված են:Իրականացվող աշխատանքները չեն խանգարում հետիոտնի և մեքենաների տեղաշարժին, շինարարական մեքենաները և սարքավորումները ստանդարտ տեխնիկական վիճակում են, ավելցուկային ծուխը և աղմուկը, վառելիքի և քսայուղերի արտահոսքը բացակայում է: Շինարարական նյութերը և թափոնները տեղափոխվում են ծածկ ունեցող մեքենաներով: Բնապահպան խորհրդատուն հավաստիացրեց, որ բոլոր շինարարական հրապարակները ապահովված են ջրամատակարարմամբ և ջրահեռացմամբ, կահավորված են առաջին բժշկական օգնության և հակահրդեհային միջոցներով: Բանվորները կրում են պաշտպանիչ արտահագուստ, որը համապատասխանում է իրականացվող տեխնոլոգիական գործընթացներին :
Բնապահպան-խորհրդատուն հավելեց, որ շինարարական աշխատանքները կազմակերպված են այնպես, որ չխաթարվի դպրոցների բնականոն գործունեությունը: Դիտարկված գրեթե բոլոր դպրոցներում աշխատանքները ընթացքի մեջ են: Նշենք, որ ստուգայցեր կիրականացվեն նաև հուլիսին:
