Նորություններ
‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի ղեկավարը հանդիպել է ՄԱԶԾ ներկայացուցիչների և նախագծային ընկերությունների մասնագետների հետ
11.01.2023
‹‹Կրթական ծրագրերի կենտրոն›› ԾԻԳ-ի ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի շրջանակում մեկնարկել է թվով 4 ավագ դպրոցների վերակառուցման նախապատրաստական աշխատանքները: Ներկայումս Միավորված ազգերի կազմակերպության զարգացման ծրագրի (ՄԱԶԾ) հետ համագործակցության շրջանակում վերանայվում են հիմնանորոգվող 3 ավագ դպրոցների` ՀՀ Արագածոտնի մարզի «Աշտարակի Նորայր Սիսակյանի անվան N5 ավագ դպրոց», ՀՀ Լոռու մարզի «Վանաձորի Սոս Նալղռանյանի անվան N13 ավագ դպրոց» և ՀՀ Արարատի մարզի «Արտաշատի ավագ դպրոց», վերակառուցման համար անհրաժեշտ նախագծանախահաշվային փաստաթղթերի վերամշակման աշխատանքները: Այդ համատեքստում ‹‹Աջակցություն միջնակարգ դպրոցի երրորդ աստիճանի զարգացմանը›› ենթաբաղադրիչի ղեկավար Գրիշա Բաղդասարյանը Կրթական ծրագրերի կենտրոն ԾԻԳ-ում հունվարի 19-ին հանդիպել է ՄԱԶԾ ներկայացուցիչների և նախագծային ընկերությունների տնօրենների և մասնագետների հետ: Հանդիպման առանցքում նախագծանախահաշվային փաստաթղթերի դիտարկումն ու քննարկումն էր: Ներկաները քննարկեցին նաև նախագծային աշխատանքներին առնչվող այլ հարցեր: Հավելենք, որ «Երևանի Կարեն Դեմիրճյանի անվան N 139 ավագ դպրոց» ՊՈԱԿ-ի շենքային համալիրի կառուցման նպատակով «ԱՄԱԳ» ՍՊ ընկերության հետ հուվարին կնքվել է համապատասխան պայմանագիր և մեկնարկել են նախագծանախահաշվային փաստաթղթերի վերամշակման աշխատանքները:
