Նորություններ
Աշխատանքային այցեր ՀՀ մարզերի ուսումնական հաստատություններում
23.11.2022
«Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները նոյեմբեր ամսվա ընթացքում այցեր են իրականացրել ՀՀ Արմավիրի, Արարատի, Արագածոտնի, Գեղարքունիքի և Կոտայքի մարզերում: Աշխատանքային այցերի նպատակն էր միկրոծրագրերի իրականացման հայտ ներկայացրած ուսումնական հաստատությունների կողմից տրամադրված տարածքների ուսումնասիրության հիման վրա նախահաշվային արժեքների ճշգրտումն ու տարածքների չափագրումը: Հիշեցնենք, որ «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում ՀՀ հինգ մարզերի համայնքներում այս տարի մեկնարկել է նախակրթարանների ստեղծման նոր միկրոծրագրերի իրականացումը: Աշխատանքային այցերի մեկնարկը տրվել է Արմավիրի թիվ 10 դպրոցից ապա ԾԻԳ-ի աշխատանքային խումբը եղել է Մյասնիկյանի, Ակնաշենի, Դալարիկի, Բերքաշատի, Զարթոնքի, Տարոնիկի, Երվանդաշատի, Մուսալեռի միջնակարգ դպրոցներում, ինչպես նաև ՀՀ Գեղարքունիքի մարզի Կարճաղբյուրի, Մեծ Մասրիկի, Ծովագյուղի, Սարուխանի թիվ 2, Կարմիր գյուղի թիվ 1, Գեղահովիտի թիվ 1, Գանձակի թիվ 1 և թիվ 2 միջնակարգ դպրոցներում: Այցերի շրջանակում դիտարկվել է նաև ՀՀ Կոտայքի մարզի Գետամեջի միջնակարգ դպրոցը: ԿԾԿ ԾԻԳ-ի աշխատանքաին խումբը այցեր է իրականացրել նաև Արագածոտնի մարզի Աշտարակի թիվ 3 հիմնական դպրոցում, ինչպես նաև Բյուրականի, Լեռնապարի և Վարդաբլուրի միջնակարգ դպրոցներում: Նոյեմբերի վերջին տասնօրյակում ԾԻԳ-ի աշխատանքային խումբը եղել է ՀՀ Արարատի մարզի Արարատի թիվ 1, Հովտաշենի, Շաղափի միջնակարգ դպրոցներում:Տեղի են ունեցել աշխատանքային հանդիպումներ ուսումնական հաստատությունների տնօրենների հետ: Նշենք, որ այս փուլին հաջորդելու է ներկայացված հայտերի հաստատման փուլը Կառավարման մարմնի հանձնաժողովի կողմից :
