Կրթական ծրագրերի կենտրոն Կրթության, գիտության, մշակույթի և սպորտի նախարարություն

 Հայտահրավեր
(կազմակերպության ընտրություն)

Հայաստանի Հանրապետություն
<<Կրթության բարելավում>> ծրագիր
Ֆինանսավորման աղբյուր` ՎԶՄԲ Վարկ No. 5387-AM
ՄԶԸ Փոխառություն No. 8342-AM
Ծրագրի համարը՝ P130182

Առաջադրանքի անվանումը. Հանրակրթական առարկայական
չափորոշիչների և ծրագրերի վերանայում
հանրակրթության ընդհանուր պետական
ծրագրի համատեքստում

Հղում՝ ԳՊ-ի տող 1.4.6 «Խորհրդատվությանէջ»
Հայաստանի Հանրապետությունը Համաշխարհային բանկից ստացել է ֆինանսավորում <<Կրթության բարելավում>> ծրագրի իրականացման համար և դրամական միջոցների մի մասը նախատեսել է օգտագործել խորհրդատվական ծառայությունների գնման նպատակով:
Խորհրդատվական ծառայությունների (Ծառայություններ) շրջանակը ներառում է.
(i) հանրակրթական առարկայական չափորոշիչների և ծրագրերի վերանայում հանրակրթության ընդհանուր պետական ծրագրի համատեքստում,
(ii) նախատեսվող փոփոխությունների շրջանակի սահմանում` ելնելով Կրթության և գիտության նախարարության և այլ շահագրգիռ կողմերի հետ սերտ խորհրդակցությունների արդյունքներից, ինչպես նաև` հանրակրթության պետական և առարկայական չափորոշիչների ու ծրագրերի վերանայման կարիքների գնահատման արդյունքների և ազգային կրթակարգի նախագծի հիման վրա,
(iii) առարկայական չափորոշիչների և ծրագրերի մշակում` հաշվի առնելով համապատասխան գործընկերների և շահագրգիռ կողմերի առաջարկները, ինչպես նաև այլ երկրների` ուսումնական ծրագրերի ստեղծման ընթացքում կուտակված լավագույն փորձը,
(iv) առաջադրանքի իրականացման ողջ ընթացքում սերտ համագործակցություն Կրթության ազգային ինստիտուտի (ԿԱԻ) հետ՝ ապահովելով նրա ակտիվ ներգրավվածությունը գործընթացում, դրանով իսկ նպաստելով վերջինիս` որպես տվյալ ոլորտի հիմնական դերակատարի կարողությունների զարգացմանը, որը պատասխանատու կլինի առարկայական չափորոշիչների և ծրագրերի հետագա պահպանման և կատարելագործման համար:

Ընտրված կազմակերպությունը պետք է իրականացնի հետևյալ գործողությունները.
1. Ձևավորի աշխատանքային խմբեր` մշակելու հանրակրթության ընդհանուր պետական ծրագիրը և դրա հիման վրա վերանայի առարկայական չափորոշիչները և ծրագրերը հետևյալ ուսումնական բնագավառների համար. մաթեմատիկա, ՏՀՏ և համակարգչային գիտություններ, հայոց լեզու, գրականություն, բնական գիտություններ, հասարակական գիտություններ, օտար լեզուներ, արվեստ, տեխնոլոգիա, ֆիզիկական կրթություն և անվտանգ կենսագործունեություն:
2. Ուսումնասիրի տվյալ առաջադրանքին վերաբերող համապատասխան փաստաթղթեր, ինչպիսիք են Կրթության մասին ՀՀ օրենսդրությունը, ներառյալ գործող կրթակարգը (ՀՀ կառավարության 27.05.2004թ. N20 արձանագրային որոշում) և հանրակրթության պետական չափորոշիչը (ՀՀ կառավարության 08.04.2010թ. N439-Ն որոշում), հանրակրթության պետական չափորոշչի, առարկայական չափորոշիչների և ծրագրերի վերանայման կարիքների գնահատման հետազոտության հաշվետվությունը, համապատասխան հայեցակարգային փաստաթղթեր` մշակված ԿԳՆ-ի կողմից և այլն:
3. Մշակի 1-12 դասարանների հանրակրթության պետական ընդհանուր ծրագիրը, որը պետք է՝
• ներառի հստակեցված առարկայացանկ, առարկաների բաշխման ժամաքանակներ (օրինակելի ուսումնական պլան), առարկայացանկի կազմման և առարկաների ժամաքանակների սահմանման սկզբունքներ,
• ներառի առարկայական ծրագրերի կազմման ձևաչափը (կառուցվածքը) և սկզբունքները,
• ներառի օրինակելի թեմատիկ պլանների, օրինակելի դասապլանների ձևանմուշներ և կազմման սկզբունքներ,
• ներառի դասավանդման և սովորողների գնահատման ժամանակակից մեթոդներն ու սկզբունքները,
• ներառի լրամշակված առարկայական չափորոշիչները և ծրագրերը:
4. Մասնակցի սեմինարներին՝ ներկայացնելով և քննարկելով կատարված աշխատանքները և վերանայված փաստաթղթերը:
5. Շահագրգիռ կողմերից (ուսուցիչներ, ծնողներ, կրթության մեջ ներգրավված ՀԿ-ներ, գործարար հանրություն և այլն) ստանա և ամփոփի վերանայված առարկայական չափորոշիչների և ծրագրերի վերաբերյալ առաջարկությունները: Վերլուծի հանրային քննարկումների արդյունքները:
6. Ներկայացնի առաջարկություններ հանրակրթական պետական ընդհանուր ծրագրի և առարկայական չափորոշիչների և ծրագրերի ներդրման վերաբերյալ:
7. Քննարկման արդյունքների հիման վրա նախապատրաստի հանրակրթության ընդհանուր պետական ծրագրի, առարկայական չափորոշիչների և ծրագրերի վերջնական տարբերակը:
8. Պատրաստի հաշվետվություններ:
Պայմանագրի կնքումը նախատեսվում է 2018թ. հունիսին, իսկ ավարտը 2019թ. օգոստոսին` մինչև մեկ տարի հնարավոր երկարացմամբ:
<<Կրթական ծրագրերի կենտրոն>> ԾԻԳ, ՊՀ-ն հրավիրում է իրավասու կազմակերպություններին (այսուհետ` Խորհրդատուներ)` ներկայացնելու իրենց հետաքրքրությունը տվյալ առաջադրանքը կատարելու համար: Հետաքրքրված Խորհրդատուները պետք է տրամադրեն այնպիսի տեղեկատվություն, որը ցույց կտա ծառայությունները կատարելու համար համապատասխան որակավորման և փորձի առկայությունը:
Կարճ ցանկում ընդգրկվելու չափանիշներն են.
• Կազմակերպության ընդհանուր փորձը - առարկայական ծրագրերի և գնահատման մեթոդական ուղեցույցներ մշակման, կրթական հետազոտություններ կատարելու փորձառություն (այդ թվում միջազգային փորձը), փորձառություն հանրային քննարկումներ իրականացնելու ուղղությամբ - 30 միավոր
• Կազմակերպության հատուկ փորձը (հանրակրթական առարկայական ծրագրերի և գնահատման մեթոդական ուղեցույցների մշակման, հանրակրթության ոլորտում հետազոտություններ կատարելու փորձառություն (այդ թվում միջազգային փորձը)) – 40 միավոր
• Մասնագիտական անձնակազմի որակավորում և առաջադրանքի իրականացման կարողունակություն (կոմպետենցիա) (առարկայական չափորոշիչների, ծրագրերի, ազգային կրթակարգերի, թեստերի մշակման, մանկավարժական և կրթական հետազոտությունների, մասնագիտական ամսագրերում հոդվածների հրապարակման, ինչպես նաև ստորև ներկայացված ոլորտներից մեկում դասավանդման փորձառություն ունեցող մասնագետների խումբ` որում ընդգրկված կլինեն բնագիտամաթեմատիկական և հասարակական գիտությունների, լեզուների, հումանիտար այլ առարկաների, կրթության մեջ հոգեբանական և գենդերային ոլորտների մասնագետներ: – 30 միավոր

Հետաքրքրված կազմակերպությունների ուշադրությունը հրավիրվում է Համաշխարհային բանկի Ուղեցույցի 1.9 կետին` «Խորհրդատուների ընտրություն և նրանց հետ աշխատանքային պայմանագրերի կնքում ՎԶԵԲ-ի վարկերի և ՄԶԸ վարկերի և դրամաշնորհների շրջանակներում Համաշխարհային բանկի Փոխառուների կողմից հունվար 2011թ.(« Խորհրդատուների ուղեցույցներ»), որը սահմանում է Համաշխարհային բանկի քաղաքականությունը՝ շահերի բախման վերաբերյալ:
Խորհրդատուները կարող են միավորվել այլ կազմակերպությունների հետ՝ համատեղ ձեռնարկության կամ ենթախորհրդատվական ընկերությունների ձևով:
Կազմակերպությունը կընտրվի որակի և գնի հիման վրա ընտրության(QCBS) եղանակով` Խորհրդատուների ուղեցույցի համաձայն:
Լրացուցիչ տեղեկությունների համար դիմել ստորև նշված հասցեով՝ բոլոր աշխատանքային օրերին՝ հետևյալ ժամերին 11:00 - 13:00 և 14:00 – 1 7:00 :
Սույն հայտարարությունը հրապարակվում է հայերեն և անգլերեն լեզուներով: Տարընթերցումների դեպքում հիմք է ընդունվում անգլերեն տարբերակը:
Հետաքրքրության հայտերը պետք է ներկայացվեն գրավոր՝ մինչև 2018թ. փետրվարի 26-ը ներառյալ, (առձեռն, փոստով կամ էլեկտրոնային փոստով) մինչև 17:00 տեղական ժամանակով, հետևյալ հասցեով.
<<Կրթական ծրագրերի կենտրոն>> ԾԻԳ ՊՀ
ք. Երևան, Ս. Վրացյան փող. 73 , 0070, Հայաստան
Հեռ. (+37410) 57-56-90 (27)
Էլ. Փոստ. cfep@arminco.com
գնումների գլխավոր մասնագետ Վարդան Պողոսյանին,
Լրացուցիչ տեղեկությունների համար դիմել վերը նշված էլեկտրոնային փոստով: