Նորություններ
Տարածքների դիտարկում ՀՀ մարզերում
14.11.2025
«Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ինժեներ խորհրդատու Վ. Բոյաջյանը Նոյեմբերի առաջին տասնօրյակում այցեր է իրականացրել ՀՀ Արմավիրի և Կոտայքի մարզերում: Աշխատանքային այցերի նպատակն էր միկրոծրագրերի իրականացման համար տրամադրված տարածքների ուսումնասիրությունը: Նշենք, որ մինչև աշխատանքային այցերի մեկնարկը ՀՀ ԿԳՄՍ նախարարության և ՏԿԵ նախարարության համապատասխան աշխատակիցների կողմից ուսումնասիրվել և ճշգրտվել են նախադպրոցական ծառայւթյուն չունեցող բնակավայրերի ցանկը: Նշենք, որ դիտարկումներն իրականացվել են ցանկում ընդգրկված այն համայնքներում, որտեղ առկա է նախադպրոցական ծառայության կարիք:ՀՀ ԿԳՄՍ նախարարության ԿԾԿ ԾԻԳ-ի ինժեներ խորհրդատուն եղել է ՀՀ Արմավիրի մարզի Տալվորիկի հիմնական դպրոցում, ՀՀ Կոտայքի մարզի Գեղարդի միջնակարգ դպրոցում և հացավանի Հ. Մանուկյանի անվան միջնակարգ դպրոցում: Հավելենք, որ տեղի են ունեցել աշխատանքային հանդիպումներ ուսումնական հաստատության տնօրենների, մարզային կրթության բաժինների պատասխանատուների և համայնքապետարանների ներկայացուցիչների հետ: Հիշեցնենք, որ «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում ՀՀ մարզերի համայնքներում և մայրաքաղաքում 2025 թվականի սեպտեմբերից բնականոն գործում են թվով 20 նախակրթարաններ: Հիշեցնենք, որ այս փուլին հաջորդելու է հայտերի ներկայացման, դիտարկման ապա ներկայացված հայտերի հաստատման փուլը Կառավարման մարմնի հանձնաժողովի կողմից:
