Կրթական ծրագրերի կենտրոն Կրթության, գիտության, մշակույթի և սպորտի նախարարություն

Ապրիլի 4-ին Համաշխարհային բանկի թիմը Կրթական ծրագրերի կենտրոն ԾԻԳ-ի աշխատակիցների ուղեկցությամբ այցելել է Երևանի և ՀՀ Արագածոտնի մարզի կրթական հաստատություններ: Այցերի համատեքստում ՀԲ-ի կողմից ֆինանսավորվող «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իրականացված և ընթացիկ աշխատանքների դիտարկումն էր: Այցերի նպատակն էր նաև հանդիպել դպրոցների տնօրենների, ուսուցիչների և նախակրթարանների սաների հետ՝ ծանոթանալու իրականացված աշխատանքների արդյունքներին:
Առաքելության կազմում էին Առաջադրանքի թիմի համաղեկավար, Շիզուկա Կոնիմոտոն, Կրթական ծրագրերի կենտրոն ԾԻԳ-ի ծրագրի ղեկավար Արմինե Խաչատրյանը, 1.1 ենթաբաղադրիչի ղեկավար Ռուզաննա Խաչատրյանը և 1.3 ենթաբաղադրիչի ղեկավար Մհեր-Մելիք-Բախշյանը ։ Համաշխարհային բանկի պատվիրակությունն աշխատանքային այցը մեկնարկել է Երևանի թիվ 88 հիմնական դպրոցում, որտեղ 2023 թվականին հիմնվել է նոր նախակրթարան։
Համաշխարհային բանկի պատվիրակությունը ԿԾԿ ԾԻԳ ներկայացուցիչների և դպրոցի աշխատակիցների ուղեկցությամբ շրջել է նախակրթարանում, ծանոթացել կատարված աշխատանքներին, զրուցել ուսուցիչների հետ։ Նախադպրոցական տարիքի երեխաներն իրենց օրերն անցկացնում էին հարմարավետ գեղեցիկ ու գունեղ սենյակներում՝ լի ուսումնական նյութերով ու խաղալիքներով։ Համաշխարհային բանկի պատվիրակության հաջորդ կանգառը Երևանի թիվ 151 հիմնական դպրոցում էր, որտեղ ստեղծվել էր նոր նախակրթարան: Հյուրերը նախակրթարանի տնօրենի ուղեկցությամբ շրջեցին խմբասենյակներով, եղան նախակրթարանի բակում: Տնօրենը ներկայացրեց նախակրթարանի ստեղծման ընթացքը, խոսեց հաղթահարված դժվարությունների ու առաջիկա անելիքների մասին: Նշենք, որ 20 երեխայի համար նախատեսված նախակրթարանը ծրագրի իրականացման արդյունքում կահավորվել է համապատասխան ժամանակակից գույքով, սարքավորումներով, ապահովվել է մանկական գրականությամբ, ուսումնական նյութերով ու խաղալիքներով: Իրականացվել է նաև դաստիարակների վերապատրաստում: Նախակրթարանն ունի հարմարեցված միջավայր:
Նախակրթարանում շրջայցն ամփոփելուց հետո ՀԲ ներկաները շարունակեցին այցը ՀՀ Արագածոտնի մարզի Ապարանը թիվ 2 հիմնական դպրոցում, որտեղ ապրիլից իր գործունեությունն էր մեկնարկել նորաստեղծ նախակրթարանը: Հյուրերը տպավորված էին վերջնական արդյունքներով և ստեղծված պայմաններով։
Հավելենք, որ 2024թ.-ի սեպտեմբերից երևանում և ՀՀ մարզերում բնականոն գործում են թվով 49 նախակրթարաններ, իսկ ներկայումս ընթացքի մեջ են նոր նախակրթարանների ստեղծման ևս 3 միկրոծրագրեր։