Կրթական ծրագրերի կենտրոն Կրթության, գիտության, մշակույթի և սպորտի նախարարություն

 ՀՀ-ում գիտության, տեխնոլոգիայի, ճարտարագիտության եւ մաթեմատիկայի (այսուհետ՝ ԳՏՃՄ, անգլ.՝ STEM) ոլորտներում աղջիկ սովորողները շարունակում են զգալիորեն թերներկայացված լինել՝ սկսած կրթական մակարդակներից մինչեւ աշխատաշուկա: Այս գենդերային անհավասարակշռությունը, այլ կերպ ասած՝ անհավասար ներկայացվածությունը, պայմանավորված է հասարակության կարծրատիպերով, ուսուցման պրակտիկաներով և մանկավարժների գենդերազգայուն ուսուցման բացակայությամբ: «Կրթության բարելավման ծրագրի լրացուցիչ ֆինանսավորում›› վարկային ծրագրի շրջանակներում նախատեսվում է ներառել և ներկառուցել գենդերային հավասարության սկզբունքները և գենդեր-արձագանքող մանկավարժության բաղադրիչները կրթական համակարգում: ‹‹Կրթության բարելավման ծրագրի լրացուցիչ ֆինանսավորում›› վարկային ծրագրի շրջանակներում   ընտրված խորհրդատուի կողմից  կնքված պայմանագրի շրջանակներում մշակվել  է համապարփակ վերապատրաստման ծրագրի փաթեթ, որն ուղղված է  հանրակրթական ուսումնական հաստատությունների ուսուցիչներին գենդերազգայուն և գենդեր-արձագանքող մեթոդաբանության և մանկավարժության ռազմավարությունների և մարտավարությունների վերաբերյալ իրազեկելուն և կրթելուն, ինչպես նաև   ԳՏՃՄ-ի համատեքստում աղջիկ  սովորողների ներգրավվածության ապահովմանը և կրթության մեջ գենդերային կողմնակալ մոտեցումների և վերաբերմունքի նվազեցմանը :ԿԾԿ ԾԻԳ-ը  ‹‹Կրթության բարելավման ծրագրի լրացուցիչ ֆինանսավորում›› վարկային ծրագրի շրջանակներում    անհատ խորհրդատուն իր կողմից  մշակած   վերապատրաստման մոդուլներիհիման վրա 2024-2025 թվականների դեկտեմբեր-հունվար ամիսներին ՀՀ Արմավիրի մարզի 92 հանրակրթական դպրոցների շուրջ 366 ուսուցիչների համար իրականացրել է  գենդերազգայուն և գենդեր-արձագանքող կրթության վերաբերյալ վերապատրաստումներ: ։ Այս դասընթացները նպատակ ունեն արդյունավետ օգտագործել ժամանակակից ԳՏՃՄ լաբորատորիաները, որոնք հագեցած են լաբորատոր սարքավորումներով, նյութերով եւ  սարքերով՝ բարձրացնելու ուսուցիչների կարողությունները՝ ներգրավելու աղջիկ սովորողներին: Խորհրդատուի կողմից 2025 թվականի ընթացքում նախատեսվում է նաև  իրականացնել վերապատրաստումներ ՀՀ Արագածոտնի  Վայոց Ձորի եւ Սյունիքի մարզերի հանրակրթական ուսումնական հաստատությունների դպրոցների ուսուցիչների համար, որոնք կօգնեն վերջիններիս աղջիկ սովորողներին ԳՏՃՄ-ում (STEM) ներգրավվելու և հավասար մասնակցություն ապահովելու հարցում: