Կրթական ծրագրերի կենտրոն Կրթության, գիտության, մշակույթի և սպորտի նախարարություն

«Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատակիցները փետրվար ամսվա ընթացքում այցեր են իրականացրել ՀՀ Արարատի, ՀՀ Շիրակի և  ՀՀ Արմավիրի մարզերում: Աշխատանքային այցերի նպատակն էր միկրոծրագրերի իրականացման համար տրամադրված տարածքների ուսունասիրությունը: Հիշեցնենք, որ «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում ՀՀ մարզերի համայնքներում և մայրաքաղաքում այս տարի հիմնվել է թվով 20 նախակրթարաններ և դրանք բնականոն գործում են սեպտեմբերի 1-ից, իսկ թվով 3 նախակրթարանների վերանորոգման աշխատանքներն ընթացքում են: Աշխատանքային խումբը եղել է ՀՀ Արարատի մարզի Բերդիկի միջնակարգ դպրոցում,  ՀՀ Շիրակի մարզի Արթիկի թիվ 4, թիվ 6, թիվ 8 հիմնական դպրոցներում ինչպես նաև այցելել է ՀՀ Արմավիրի մարզի Արտաշարի միջնակարգ դպրոց, որտեղ դիտարկվել է նախակրթարաններ հիմնելու հնարավորությունը: Նշենք՝ նաև, որ տեղի են ունեցել աշխատանքային հանդիպումներ ուսումնական հաստատության տնօրենի և համայնքապետարանի ներկայացուցչի հետ: Հիշեցնենք, որ այս փուլին հաջորդելու է հայտերի ներկայացման, դիտարկման ապա ներկայացված հայտերի հաստատման փուլը: