Կրթական ծրագրերի կենտրոն Կրթության, գիտության, մշակույթի և սպորտի նախարարություն

Օգոստոսի 15-ից մեկնարկել է Oպտիկայի և ֆոտոնիկայի ժամանակակից կիրառությունների միջազգային 1-ին քոլեջը՝ «MAOP2024»-ը:Նախագիծն իրականացվում է Համաշխարհային բանկի համաֆինանսավորմամբ ու «Կրթական ծրագրերի կենտրոն» ԾԻԳ-ի աջակցությամբ իրականացվող «Կրթության բարելավման ծրագրի լրացուցիչ ֆինանսավորում» վարկային ծրագրի «Օպտիկական միկրոհամակարգերի մշակման և հետազոտման գիտակրթական կենտրոնի ստեղծում» ՆՄՀ դրամաշնորհային ծրագրի շրջանակում:
Քոլեջը անց է կացվում ԵՊՀ-ում,որի նպատակն է ամբողջ աշխարհի գիտնականների համար ստեղծել հարթակ՝ ներկայացնելու օպտիկայի և ֆոտոնիկայի բնագավառում վերջին հետազոտությունների արդյունքները։ Այս տարի միջոցառմանը մասնակցում են աշխարհի տարբեր երկրներից օպտիկայի ոլորտում առաջատար գիտնականներ և ուսանողներ:
Քոլեջի ծրագիրը ներառում է պլենար և հրավիրված զեկուցումներ, տեխնիկական դասախոսություններ, լաբորատորիայում փորձեր իրականացնելու հնարավորություն և այլն։
Միջոցառման ընթացքում «Օպտիկական միկրոհամակարգերի մշակման և հետազոտման գիտակրթական կենտրոնի ստեղծում» ծրագրի ղեկավար Մուշեղ Ռաֆայելյանը հանդես է եկել զեկուցմամաբ և ներկայացրել ստեղծվող Օպտիկական միկրոհամակարգերի կենտրոնի հնարավորությունները, «Օպտիկա և ֆոտոնիկա» նոր մագիստրոսական ծրագրի առավելությունները:
Հատկանշական է, որ նախագծին մասնակցում են ՀՀ տարբեր մարզերից 2024֊2025 թթ. ուս. տարվա բակալավրի I-III կուրսի, ինչպես նաև 12-րդ դասարանի ուսանողներ և աշակերտներ, ովքեր հետաքրքրված են ֆիզիկա, տվյալների մշակում, մաթեմատիկա, մեխանիկա, էլեկտրոնիկա և ծրագրավորում մասնագիտություններով:Մասնակցների մեջ մեծ թիվ են կազմում իգական սեռի ներկայացուցիչները, ինչը ծրագրի առաջնահերթություններից է:
Կարևորելով STEM ոլորտում կանանց ներգրավվածության ավելացման անհրաժեշտությունը՝ ծրագրի ղեկավարը փաստեց. ‹‹Նմանօրինակ իրազեկման միջոցառումները շարունակական բնույթ են կրում, դրանք ուղղված են ԲՏՃՄ ոլորտի մասնագիտություների գրավչության բարձրացմանը, իգական սեռի ապագա ուսանողների թվի ավելացմանը, գիտական աշխատանքներում իգական սեռի ներկայացուցիչների ներգրավմանը: Իրականացված միջոցառումը ևս խրախուսում է երիտասարդ կանանց ընտրել օպտիկայի ոլորտը որպես մասնագիտություն: Հավելենք, որ միջոցառման ընթացքում քննարկվել են նաև ԲՏՃՄ (STEM), մասնավորապես օպտիկայի ոլորտում կանանց ներգրավվածության ավելացմանն ուղղված քայլերը, տարբեր երկրներում իրականացվող ծրագրերը, մարտահրավերներն ու խնդիրները:
Մանրամասն տեղեկություններ`https://photonicsai.com/home_maop2024/
Լուրերի անդրադարձը նախագծին հասանելի է հետևյալ հղմամբ`
 https://www.youtube.com/watch?v=-GfzzfoUr3k