Նորություններ
Իրականացվել են ստուգայցեր ԿԾԿ ԾԻԳ-ի բնապահպան-խորհրդատուի կողմից
15.05.2024
Մայիսի 10-29–ը ‹‹Հանրակրթական դպրոցների վերազինում›› ենթաբաղադրիչի աշխատանքների շրջանակում ՀՀ Արմավիրի մարզի մի շարք դպրոցներում հիմնված տեղեկատվական տեխնոլոգիաների ( ինֆորմատիկա) և բնագիտական առարկաների (ֆիզիկա, քիմիա, աշխարհագրություն և կենսաբանություն) գծով լաբորատորիաներում իրականացվել են ստուգայցեր ԿԾԿ ԾԻԳ-ի բնապահպան-խորհրդատուի կողմից: :
Ա. Կարապետյանը իրականացրել է ընտրանքային տեղային մոնիթորինգներ ՀՀ Արմավիրի մարզի Զարթոնքի, Եղեգնուտի և Արևիկ գյուղի միջնակարգ դպրոցներում, որտեղ ավարտվել են լաբորատոր սարքավորումների ձեռք բերման աշխատանքները: Ընտրանքային այցելությունների ժամանակ բնապահպան խորհրդատուն դիտարկել է լաբորատորիաների հիմնման և շահագործման ընթացքում անվտանգության, բնապահպանական և սոցիալական կանոնների պահպանումը, շրջակա միջավայրի համար և կլիմայի փոփոխության տեսանկյունից անվնաս նյութերի և տեխնոլոգիաների ներդրումն ու օգտագործումը: Աշխատանքային այցերի շրջանակում Ա. Կարապետյանը արձանագրել է, որ վերանորոգման աշխատանքների իրականացման, ջրագծերի անցկացման ընթացքում պահպանվել են անվտանգության բոլոր կանոնները, ռադիոակտիվ կամ բարձր թունավոր նյութեր առկա չեն լաբորատորիաներում, ապահոված է լաբորատորիաների աշխատանքի անվտանգությունը, էլեկտրամատակարարման անվտանգությունը և պատշաճ օդափոխությունը:Նշենք, որ ստուգայցեր կիրականացվեն նաև հունիս և հուլիս ամիսներին:
