Կրթական ծրագրերի կենտրոն Կրթության, գիտության, մշակույթի և սպորտի նախարարություն

«Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում իր աշխատանքներն է շարունակում «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչը: Այդ համատեքստում ենթաբաղադրիչի աշխատակիցները կարիքների գնահատման, տարածքի ուսումնասիրման և իրազեկման գործողությունների կազմակերպման նպատակով մարտի 5-ից 20-ը աշխատանքային այցեր են իրականացրել Երևանի ուսումնական հաստատություններում:
Հիշեցնենք, որ «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի աշխատանքների համատեքստում մայրաքաղաքում և ՀՀ վեց մարզերի համայնքներում այս տարի ևս մեկնարկել է նախակրթարանների ստեղծման նոր միկրոծրագրերի իրականացումը:
Աշխատանքային այցերի մեկնարկը տրվել է Երևանի Ռ Սևակի անվան թիվ 151հիմնական դպրոցից, ապա ԿԾԿ ԾԻԳ-ի աշխատանքային խումբը եղել է Երևանի Վ. Վաղարշյակի անվան թիվ 80, Պ. Սևակի անվան թիվ 123, ինչպես նաև մայրաքաղաքի թիվ 167 , թիվ, 98 թիվ 88 և թիվ 110 հիմնական դպրոցներում: Աշխատանքային խումբն այցն ամփոփել է Երևանի թիվ 99 միջնակարգ դպրոցում: Այցերի շրջանակում տեղի են ունեցել աշխատանքային հանդիպումներ կրթական հաստատությունների տնօրենների հետ: Հանդիպումների ընթացքում ԿԾԿ ԾԻԳ-ի «Դպրոցին երեխաների պատրաստվածության մակարդակի բարձրացում և կրթության հավասար մեկնարկային հնարավորությունների ապահովում» ենթաբաղադրիչի ղեկավար Ռուզաննա Խաչատրյանը, համակարգող Արմեն Մարտիրոսյանը և Ճարտարագետ–խորհրդատու Վ. Բոյաջյանը պարզաբանել են նախադպրոցական կրթության միկրոծրագրերի կազմակերպման գործընթացին առնչվող որոշ հարցեր, դիտարկել են նախակրթարանների համար նախատեսված տարածքների նպատակահարմարությունը: