Նորություններ
ՀՀ Արագածոտնի մարզում աշխատանքային այցերը շարունակվում են
18.07.2023
«Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում ‹‹Հանրակրթական դպրոցների վերազինում›› ենթաբաղադրիչի շրջանակում կարիքներրի գնահատման գործընթացը ընթանում է ՀՀ Արագածոտնի մարզում: Գործընթացի համատեքստում ԿԾԿ ԾԻԳ-ի ներկայացուցիչները հանդիպել են ՀՀ Արագածոտնի մարզի մարզպետի խորհրդական Արմեն Գրիգորյանի հետ: Հանդիպման ընթացքում ‹‹Հանրակրթական դպրոցների վերազինում›› ենթաբաղադրիչի ղեկավար Մհեր Մելիք-Բախշյանը ներկայացրել է մարզում նախատեսվող ծրագրերը, որոնք կիրականացվեն Համաշխարհային բանկի համաֆինանսավորմամբ «Կրթության բարելավման ծրագրի լրացուցիչ ֆինանսավորում» վարկային ծրագրի շրջանակներում, մասնավորապես անդրադառնալով մարզում առկա հանրակրթական դպրոցների բնագիտական և ինժեներական լաբորատոր սարքավորումների, կահույքի և նյութերի տրամադրմանը: Ա. Գրիգորյանը հավաստիացրել է, որ առավելագույնս կաջակցի ծրագրերին և պատրաստ է հնարավոր ամեն ջանք ներդնել դրանց իրականացման համար:Նա նշել է, որ նպատակային և համագործակցված աշխատանքի դեպքում արդյունքը առաջիկայում տեսանելի կլինի: Անդրադառնալով լաբորատորիաների ստեղծման ընթացքում հնարավոր խնդիրներին՝ մարզպետի խորհրդականը դրանց լուծման հարցում կարևորել է մարզպետարան –Կրթական ծրագրերի կենտրոն կապն առավել սերտ ու արդյունավետ դարձնելու անհարժեշտությունը, որպեսզի ծրագրերի իրականացման ընթացքն առավել արագ, հարթ և արդյունավետ լինի: Հանդիպան ավարտից հետո ԿԾԿ ԾԻԳ ներկայացուցիչները Ա. Գրիգորյանի ուղեկցությամբ մեկնարկել են աշխատանքային այցերը ՀՀ Արագածոտի մարզի կրթական հաստատություններում:
