Նորություններ
Հանդիպում Կրթության Կառավարման և Տեղեկատվական Համակարգի (ԿԿՏՀ) բարելավման նպատակով աջակցություն տրամադրող անհատ խորհրդատուների և ՀՀ դպրոցների տնօրենների հետ
27.01.2023
‹‹Կրթության համակարգում տվյալների հավաքագրման և առաջընթացի մշտադիտարկման բարելավում›› ենթաբաղադրիչը Կրթական տեխնոլոգիաների ազգային կենտրոնի (ԿՏԱԿ) հետ համատեղ կբարելավվի ԿԳՄՍՆ կարողությունները՝ տվյալների հավաքագրման, վերլուծության միջոցով վերահսկելու հայաստանյան դպրոցների գործունեության արդյունավետությունը:
Այս Ենթաբաղադրիչը կխթանի տվյալներով հիմնավորված և փաստերի վրա հիմնված կրթական քաղաքականության մշակման գործընթացը։
Ներկայումս ընթացքում է տվյալների վիզուալիզացիայի գործիքների նոր գործառույթների մշակման աշխատանքները , որոնք կավելացվեն Կրթության Կառավարման և Տեղեկատվական Համակարգին (ԿԿՏՀ)՝ ավելացնելով համակարգի կիրառելիությունը և բարելավելով կրթության հիմնական արդյունքները: Նշենք, որ վիզուալիզացիոն գործիքների մշակման և ԿԿՏՀ-ի թարմացման աշխատանքները սկսելու նպատակով կարիքների գնահատման մեթոդաբանության ընտրության հարցերի շուրջ տեղի են ունեցել ԿԳՄՍ նախարարության, ԿՏԱԿ-ի, ՀԲ-ի հետ հանդիպում-քննարկումներ, ինչպես նաև աշխատանքային հանդիպում-քննարկումներ են տեղի ունեցել ԿՏԱԿ-ի հետ՝ տեխնիկական առաջադրանքի մշակման, հետագայում նոր գործիքների մշակման, փուլ առ փուլ ընդունման և գործարկման քայլերը հստակեցնելու ուղղությամբ ։
Ենթաբաղադրիչի աշխատանքների շրջանակում Կրթության Կառավարման և Տեղեկատվական Համակարգի (ԿԿՏՀ) ԿԿՏՀ-ի բարելավման նպատակով աջակցության և տեխնիկական աջակցության տրամադրման համար հայտարարվել էր մրցույթ երկու անհատ խորհրդատուներ ընտրելու նպատակով։ Իրականացված մրցույթի արդյունքում ընտրվել են երկու անհատ խորհրդատուներ, որոնց հետ դեկտեմբերի 29-ին կնքվել են պայմանագրեր։ Պայմանագրերով սահմանված աշխատանքների համատեքստում հունվարի 26-ին ԿԾԿ ԾԻԳ-ում տեղի է ունեցել հանդիպում Կրթության Կառավարման և Տեղեկատվական Համակարգի (ԿԿՏՀ) բարելավման նպատակով աջակցություն տրամադրող անհատ խորհրդատուների և ՀՀ դպրոցների տնօրենների հետ: Քննարկման առանցքում ԿԿՏՀ-ի թարմացմանը և վիզուալիզացիոն գործիքների մշակմանն ուղղված մի շարք հարցերի քննարկումն էր : Հանդիպման մեկնարկին ‹‹Կրթության համակարգում տվյալների հավաքագրման և առաջընթացի մշտադիտարկման բարելավում›› ենթաբաղադրիչի ղեկավար Հարություն Ղարիբջանյանը ողջունեց և արդյունավետ համատեղ աշխատանք մաղթեց մասնակիցներին: Մասնակիցները ԿԿՏՀ բարելավման նպատակով աջակցություն տրամադրող անհատ խորհրդատու Սերոբ Խաչատրյանի և ԿԿՏՀ բարելավման նպատակով տեխնիկական աջակցություն տրամադրող անհատ խորհրդատու Արթուր Խալաթյանի հետ քննարկեցին գործող ԿԿՏՀ-ում առկա խնդիրներն ու դժվարությունները: Դպրոցի տնօրենները հանդես եկան համակարգի բարելավմանն ուղղված առաջարկներով :
