Նորություններ
«Կրթական ծրագրերի կենտրոն» ԾԻԳ-ը շնորհավորում է Ամանորի և Սուրբ Ծննդյան տոների կապակցությամբ
29.12.2022
Հարգելի հայրենակիցներ,
«Կրթական ծրագրերի կենտրոն» ԾԻԳ-ը շնորհավորում է Ամանորի և Սուրբ Ծննդյան տոների կապակցությամբ:
Նոր տարվա շեմին, վերագնահատում ենք անցնող տասներկու ամիսների հատկանշական իրադարձությունները...
Արդյունավետ ու համակարգված աշխատանքի արդյունքում կարողացանք իրականացնել մի շարք ծրագրեր, որոնք ընդգրկել են կրթության բոլոր մակարդակները նախադպրոցականից մինչև բարձրագույն կրթություն:
Ավարտվում է 2022 թվականը, որի ընթացքում մեր աշխատանքի շնորհիվ ՀՀ մարզերում բազմաթիվ մանուկներ հաճախում են նորաստեղծ նախակրթարաններ, հիմնանորոգված ավագ դպրոցներում շատ աշակերտներ հնարավորություն ունեն ուսումնառել անվտանգ և հարմարավետ միջավայրում, հասցեական վերապատրաստումների արդյունքում ՏՀՏ գործիքներն ու վիրտուալ հարթակը մայրաքաղաքի և մարզերի բոլոր դպրոցներում այսօր դասապրոցեսի անբաժանելի մասն են կազմում: Ավագ դպրոցներում և բուհական համակարգում մեր աշխատանքի արդյունքում աշակերտները, ուսանողները, գիտնականներն ու դասախոսներն այսուհետ իրենց նորարարական գաղափարները կարող են իրագործել վերանորոգված, նորագույն սարքավորումներով և տեխնիկայով զինված կենտրոններում ու լաբորատորիաներում:
«Կրթական ծրագրերի կենտրոնը» նույն պատրաստակամությամբ ջանքեր է ներդնելու 2023 թվականին՝ կրթության ոլորտի բարելավման նոր գաղափարներ և ծրագրեր կյանքի կոչելու համար:
Մաղթում ենք, որ 2023 թվականը լինի խաղաղության, առողջության և ձեռքբերումների տարի:
Շնորհավոր Ամանոր և Սուրբ Ծնունդ