Կրթական ծրագրերի կենտրոն Կրթության, գիտության, մշակույթի և սպորտի նախարարություն

Մայիսի 3-ին ՀՀ ԿԳՄՍ նախարար Արայիկ Հարությունյանը այց է իրականացրել Արմավիրի մարզի Վաղարշապատի Մ. Գորկու անվան թիվ 5 ավագ դպրոց, ծանոթացել դպրոցի հիմնանորոգման ընթացիկ աշխատանքներին:
Նշենք, որ «Կրթության բարելավում» վարկային ծրագրի շրջանակներում` երկրորդ փուլով ընթացքում է թվով 8 ավագ դպրոցի հիմնանորոգման աշխատանքները: Արմավիրի մարզի Վաղարշապատի Մ. Գորկու անվան թիվ 5 ավագ դպրոցը վերոնշյալ 8 դպրոցներից մեկն է , որտեղ հիմնանորոգումը մեկնարկել է 2019թ.-ի դեկտեմբերին: :Հավելենք, որ հիմնանորոգման աշխատանքները իրականացվում են համաձայն սեյսմիկ անվտանգության չափանիշների: Նշենք նաև, որ 8 դպրոցների ընտրությունը իրականացվել է համաձայն ԿԳՄՍ նախարարության մշակված չափանիշների: Շրջելով ինչպես շինհրապարակի ողջ տարածքում, այնպես էլ շենքի ներսում, ԿԳՄՍ նախարարը ծանոթացավ աշխատանքային ողջ ընթացքին: Արձնագրենք , որ արդեն ավարտին են հասցվել ավագ դպրոցի շենքի կազմաքանդման աշխատանքները, իսկ տանիքի կառուցման, պատուհանների տեղադրման, շենքի հիմքերի ուժեղացման և ամրացման մետաղական ցանցի և պատերի ջերմամկուսացման շերտի տեղադրման աշխատանքները ընթացքում են:
ՀՀ ԿԳՄՍ նախարար Արայիկ Հարությունյանը անձամբ ստուգեց հիմնանորոգվող դպրոցում անվտանգության պարտադիր պայմանների ապահովումը: Հիշեցնենք , որ Պարետի՝ 2020 թվականի ապրիլի 12-ի, N 37 որոշման համաձայն ՀՀ տարածքում ամբողջությամբ թույլատրվել է բացօթյա շինարարության գործունեությունը և արդյունքում մայրաքաղաքում և ՀՀ մարզերում ապրիլի 13-ից մեկնարկել են «Կրթության բարելավում» վարկային ծրագրով ընթացող շինարարական աշխատանքները: Ա. Հարությունյանը ընդգծեց. «Մենք հնարավոր ամեն ինչ պետք է ձեռնարկենք «Կրթության բարելավում» վարկային ծրագրով ընթացող շինարարական աշխատանքների որակն ու տեմպը պահելու համար»:
ԿԳՄՍ նախարարը ևս մեկ անգամ հորդորեց հետևել Պարետի բոլոր ցուցումներին , լինել կարգապահ, պահել սահմանները, ապահովել անվտանգության պարտադիր պայմանները, որպեսզի հնարավոր լինի կանխել համավարակի տարածումը. « Պետք է փաստեմ, որ պահանջները լրջորեն կատարվում են` դիմակներ, ջերմաչափում և այլն»,-հավելեց նախարարը: Հիշեցնենք, որ ապրիլի 17-ին «Կրթական ծրագրերի կենտրոն» ԾԻԳ-ի տնօրեն Գրիշա Հովհաննիսյանի նախաձեռնությամբ տեղի էր ունեցել հանդիպում այն շինարարական ընկերությունների ներկայացուցիչների հետ, որոնք «Կրթության բարելավում» ծրագրով իրականացնում են թվով 8 ավագ դպրոցների հիմնանորոգման աշխատանքները : Հեռավար ձևաչափով հանդիպմանը մասնակցել էր նաև ԿԳՄՍ նախարար Արայիկ Հարությունյանը: