Նորություններ
ԿԾԿ ԾԻԳ-ի ուշադրության կենտրոնում ավագ դպրոցներն են
02.02.2018
ԿԾԿ ԾԻԳ-ի ներկայացուցիչները ինչպես շինարարության ողջ ընթացքում, այնպես էլ դեկտեմբերին իրականացրել են այցեր ՀՀ մարզեր <<Կրթության բարելավում>> վարկային ծրագրով ավագ դպրոցների հիմնանորոգման աշխատանքների որակի ու տեմպի տեխնիկական մոնիտորինգ իրականացնելու նպատակով: Այցերն իրականացվել են <<Կրթական ծրագրերի կենտրոն>> ԾԻԳ-ի <<Աջակցություն միջնակարգ դպրոցի երրորդ աստիճանի զարգացմանը>> ենթաբաղադրիչի ղեկավար Գրիշա Բաղդասարյանի, համակարգողներ Ռաֆայել Արզումանյանի և Նարեկ Պողոսյանի կողմից: ԿԾԿ ԾԻԳ-ի ներկայացուցիչները ծանոթացան ՀՀ Արմավիրի մարզի Մեծամորի թիվ 2, ՀՀ Արարատի մարզի Արարատ քաղաքի թիվ 3, ՀՀ Կոտայքի մարզի Հրազդանի թիվ 1, ՀՀ Գեղարքունիքի մարզի Մարտունու Տ. Աբրահամյանի անվան և ՀՀ Տավուշի մարզի, Նոյեմբերյանի թիվ 1 ավագ դպրոցներում ընթացող շինարարական աշխատանքներին: ԾԻԳ-ի ներկայացուցիչները արձանագրեցին, որ իրականացվել է շինարարության 73% և շինարարական աշխատանքների ավարտը նախատեսվում է սույն թվականի աշնանը:
