Կրթական ծրագրերի կենտրոն Կրթության, գիտության, մշակույթի և սպորտի նախարարություն

Սիրելի՜ դպրոցականներ, ուսանողներ, ուսուցիչներ և դասախոսներ, կրթության ոլորտի ներկայացուցիչներ,
ՀՀ ԿԳՄՍՆ ‹‹Կրթական ծրագրերի կենտրոն›› ԾԻԳ-ը սրտանց շնորհավորում է նոր ուսումնական տարվա մեկնարկի և Գիտելիքի օրվա կապակցությամբ:
Նոր ուսումնական տարին առանձնակի պարտավորեցնող է մեզ համար, քանի որ իրականացրել և իրականացնում ենք բարեփոխումների բազում ծրագրեր` նպատակ ունենալով կրթական համակարգում ապահովել ժամանակակից միջազգային կրթական չափանիշներին համապատասխան միջավայր և որակ:
Համաշխարհային բանկի համաֆինանսավորմամբ և մեր կրթական ծրագրերի կենտրոնի աջակցությամբ մայրաքաղաքի և մարզերի կրթական հաստատություններում իրենց դռներն են բացել նորաստեղծ նախակրթարանները, բազում աշակերտներ սովորում են հիմնանորգված և ժամանակակից լաբորատորիաներով համալրված դպրոցներում, իսկ մի շարք բուհեր իրենց ուսումնական գործընթացը մեկնարկում են նորարարական լաբորատորիաներով, ժամանակակից ենթակառուցվածքներով ու գերազանցության կենտրոններով:
‹‹Կրթական ծրագրերի կենտրոն›› ԾԻԳ-ը դպրոցականներին, ուսանողներին, մանկավարժներին, կրթության ոլորտի ներկայացուցիչներին մաղթում է հաջողություն, արդյունավետ աշխատանք. ցանկանում, որ ուսումնական տարին նրանք մեկնարկեն աշխատանքային նոր լիցքով ու եռանդով:
Լավագույն ցանկութուններով` ԿԳՄՍՆ ‹‹Կրթական ծրագրերի կենտրոն›› ԾԻԳ