Նորություններ

Ուսումնագիտական և փորձարարական լաբորատորիա՝ ՆՄՀ դրամաշնորհով

03.02.2021

Փետրվարի 1-ին, երկշաբաթյա մոնիտորինգային այցերի համատեքստում, աշխատանքային այցով Ճարտարապետության և շինարարության Հայաստանի ազգային համալսարանում (ՃՇՀԱՀ) էին «Կրթական ծրագրերի կենտրոն›› ԾԻԳ-ի և ԿԳՄՍ նախարարության ներկայացուցիչները: Այցի նպատակը Հայաստանի բարձրագույն կրթության Նորարարությունների մրցակցային հիմնադրամի (ՆՄՀ) դրամաշնորհային ընթացիկ ծրագրի մշտադիտարկումն էր: Աշխատանքային խումբը ՃՇՀԱՀ-ի դրամաշնորհային ծրագրի ղեկավար Վարազդատ Հովհաննիսյանի ուղեկցությամբ ծանոթացավ ՆՄՀ երկրորդ հիմնական շրջափուլի շրջանակներում հիմնվող ‹‹Տրանսպորտային ուղիների շինարարություն և շահագործում» ուսումնագիտափորձարարական լաբորատոր բազայի ստեղծման ընթացիկ աշխատանքներին: Նշենք, որ ՃՇՀԱՀ-ի դրամաշնորհային ծրագրով նախատեսվում է «Տրանսպորտային ուղիների շինարարություն և շահագործում» կրթական ծրագրի արդիականացում և ներդնում, որի շրջանակներում կրթամասերի տեսքով երկու ուղղությունների՝ «Ավտոճանապարհների շինարարություն» ու «Կամուրջներ և տրանսպորտային թունելներ» առանձնացում, բուհի կարողությունների հզորացմանը միտված արդիական ուսումնագիտափորձարարական լաբորատոր բազայի ստեղծում, ինչպես նաև «Տրանսպորտային ուղիների շինարարություն և շահագործում» մագիստրոսական կրթական ծրագրի մասնագիտական դասընթացների թվայնացում՝ Moodle էլեկտրոնային հարթակի կիրառմամբ: Հանդիպման սկզբում աշխատանքային խմբի անդամները դրամաշնորհային ծրագրի կառավարման անձնակազմի ներկայացուցիչների հետ քննարկեցին ծրագրի ժամանակացույցով նախատեսված գործողությունները և դրանց իրականացման ընթացքը: Ապա, ներկաները շրջեցին դրամաշնորհային ծրագրի շրջանակներում ստեղծվելիք լաբորատորիայի համար առանձնացված համապատասխան տարածքներում, որոնք ամբողջովին արդեն իսկ վերանորոգված էին բուհի ոչ գումարային ներդրումների շրջանակներում, ինչպես նաև տեղադրված էին դրամաշնորհային ծրագրի ընթացքում ձեռք բերված համակարգչային, լաբորատոր սարքավորումները և հարմարանքները: ՃՇՀԱՀ դրամաշնորհային ծրագրի իրականացման ընթացքում ԿԾԿ ԾԻԳ-ին մասնագիտական աջակցություն ցուցաբերող անհատ խորհրդատու Միհրան Յամուկյանը դիտարկեց ձեռքբերված լաբորատոր սարքավորումների և պարագաների համապատասխանությունը՝ պայմանագրով սահմանված պայմաններին, ինչպես նաև ուսումնական և հետազոտական գործընթացում դրանց կիրառության հետ կապված մի շարք հարցեր: ՃՇՀԱՀ դրամաշնորհային ծրագրի ղեկավարը փաստեց, որ շինարարությանն առնչվող բազում խնդիրներ փորձարարական լուծում են պահանջում: «Սա գիտություն է, որը չի կարող բավարարվել միայն լսարաններում տեսական հիմնավորումներ կատարելով»,-հավելեց Վ. Հովհաննիսյանը և հավաստիացրեց, որ ստեղծվող ենթակառուցվածքներում ակտիվորեն կիրականացվեն նաև աշխատանքներ, որոնց արդյունքում կարող ենք ստանալ հետագա առևտրայնացման ներուժ ունեցող կարևոր գիտական նորույթներ:
Նշենք, որ ՃՇՀԱՀ-ի դրամաշնորհային ծրագրի այս փուլում իրականացվել և ընթացքում է նաև «Ավտոճանապարհների շինարարություն» ու «Կամուրջներ և տրանսպորտային թունելներ» մասնագիտացումների գծով կրթության բովանդակության բարելավումը՝ դասընթացների ծրագրերի մշակման միջոցով, նոր լաբորատոր աշխատանքների ձևակերպման, փորձարկման, ուսումնամեթոդական գրականության մշակման և ներդրման՝ մասնավորապես երկու ձեռնարկների և երեք ուղեցույցների մշակման համապատասխան աշխատանքների իրականացումը՝ ընտրված անհատ խորհրդատուների կողմից, ինչպես նաև «Տրանսպորտային ուղիների շինարարություն և շահագործում» կրթական ծրագրում ընդգրկված մասնագիտական դասընթացների՝ Moodle էլեկտրոնային հարթակի կիրառմամբ թվայնացման նպատակով անհատ խորհրդատուների ընտրության մրցույթների արդյունքների ամփոփումը:
Հավելենք, որ լաբորատորիայի ստեղծումը կնպաստի տրանսպորտային ուղիների շինարարության և շահագործման ոլորտի հիմնարար և կիրառական հետազոտությունների արդիակացմանը, թույլ կտա իրականացնել տեխնիկական համագործակցություն՝ գործող շինարդյունաբերության, շինարարական և շինարարությունները վերահսկող կազմակերպությունների հետ, ինչպես նրանց անհրաժեշտ նոր մշակումների կատարման, այնպես էլ կիրառվող շինանյութերի, պատրաստվածքների, կոնստրուկցիաների ու կոնստրուկտիվ լուծումների փորձաքննությունների անցկացման ոլորտներում:

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...