Նորություններ
«Կրթական ծրագրերի կենտրոնը›› տրամադրել է տեսացրիչներ մարզային դպրոցներին
21.01.2020
«Կրթության բարելավում» ծրագրի «Կրթության համակարգում տվյալների հավաքագրման և առաջընթացի մշտադիտարկման բարելավում» ենթաբաղադրիչի աշխատանքների շրջանակներում իրականացվող հանրակրթական ուսումնական հաստատությունների ներկայացուցիչների ՏՀՏ վերապատրաստումներին զուգընթաց 2019 թվականին «Կրթական ծրագրերի կենտրոն» ԾԻԳ-ը ՀՀ մարզային դպրոցներում իրականացրել է համակարգչային սարքավորումների թարմացումներ: Վերապատրաստված ուսուցիչների ձեռք բերած գիտելիքների օգտագործումը առարկաների դասավանդման ընթացքում առավել արդյունավետ դարձնելու, հանրակրթական ուսումնական հաստատություններում ինտերակտիվ դասավանդումը խթանելու նպատակով, «Կրթական ծրագրերի կենտրոն» ԾԻԳ-ը 2019 թվականին նախաձեռնեց մարզերի կրթական հաստատություններում կարիքների գնահատման գործընթացը` ընդգկելով այն դպրոցները, որոնց ներկայացուցիչները վերապատրաստվել են 2018 թվականին: Կարիքների գնահատումը իրականացվեց ՀՀ մարզերի 387 դպրոցներում՝ փոխազդող տեսացրիչի(ինտերակտիվ պրոյեկտոր), փոխազդող գրատախտակի և դյուրակիր համակարգիչների առկայությունները պարզելու նպատակով: Կարիքների գնահատման արդյունքների հիման վրա 42 հանրակրթական ուսումնական հաստատությունների «Կրթական ծրագրերի կենտրոն» ԾԻԳ-ի կողմից տրամադրվել է փոխազդող տեսացրիչներ, իսկ 63 ուսումնական հաստատությունների՝ տեսացրիչներ: Մարզային դպրոցների տնօրենները և մանկավարժները փաստում են, որ ուսուցման գործընթացում ՏՀՏ գործիքների ակտիվորեն կիրառման համար տեսացրիչները ուղղակի անհրաժեշտություն էին: Իսկ վերապատրաստված ուսուցիչները վստահեցնում են, որ էլ ավելի մեծ եռանդով կկիրառեն ստացած գիտելիքները ամենօրյա դասապրոցեսում:
Այսպիսով, 2018 թվականին վերապատրաստում անցած ՀՀ մարզերի բոլոր 387 դպրոցներն այսօր ապահովված են համապատասխան տեսացրիչներով: Հավելենք, որ նույն մեթոդաբանությամբ, ՏՀՏ վերապատրաստումներին զուգընթաց, կարիքների գնահատումը և համակարգչային սարքավորումների թարմացումները կիրականացվեն 2020-2021 թվականներին: