Նորություններ

Ճարտարապետական և շինարարական մասնագիտությունների ուսումնական կենտրոն

04.11.2019

2015 թվականի դեկտեմբերից բուհում մեկնարկել էր «Ճարտարապետական և շինարարական մասնագիտությունների ուսումնական ծրագրերի արդիականացումը՝ նորագույն տեխնոլոգիաներով հագեցած ուսումնագիտափորձարարական լաբորատորիայի ստեղծմամբ» ծրագիրը` «Կրթության բարելավում» վարկային ծրագրի շրջանակներում, որի համատեքստում համալսարանը «Կրթական ծրագրերի կենտրոն» ԾԻԳ-ի աջակցությամբ ձեռնամուխ էր եղել նոր լաբորատորիաների ստեղծմանը: Ծրագրի շրջանակներում ստեղծվել է «Շինարարական նյութերի և պատրաստվածքների ուսումնագիտահետազոտական լաբորատորիա», որտեղ դրամաշնորհային ծրագրի արդյունքում ձեռք բերված ժամանակակից սարքավորումների միջոցով իրականացվում են գիտահետազոտական աշխատանքներ: Այս լաբորատորիայի հնարավորությունները արդեն իսկ փորձարկվել են մի շարք էական ծրագրերի իրականացման համար, ինչպես մայրաքաղաքի Հանրապետության Հրապարակի շենքերի սեյսմակայունության ստուգումը, Էջմիածնի Մայր տաճարի վերանորոգման աշխատանքները: Լաբորատորիայում ակտիվորեն իրականացվում են նաև աշխատանքներ, որոնց արդյունքում ակնկալվում է ստանալ հետագա առևտրայնացման ներուժ ունեցող կարևոր գիտական նորույթներ, ինչպես տուֆի մշակման արդյունքում ստացված թափոնների վերամշակման, շենքերի ջերմամեկուսացման օրգանիկ և քիչ ծախսատար միջոցների ստացման և այլ ուղղություններով:
Այս լաբորատորիան ծրագրի միակ ձեռքբերումը չէ. ՃՇՀԱՀ-ն արդեն ժամանակակից սարքավորումներով հագեցած ուսումնափորձարարական լաբորատոր բազա ունի: Մի տեղում գրունտների ֆիլտրացիոն հատկություններն են որոշում, մյուսում դիզայներական հմտություններ են սովորում՝ ձեռք բերելով պրակտիկ գիտելիքներ: Դրամաշնորհային ծրագրի շրջանակներոում բացված «Գրունտների մեխանիկայի լաբորատորիայում» ուսանողներին ինժեներաերկրաբանական ուսումնասիրություններին ծանոթացնելու համար լավագույն հնարավորություններ են ստեղծված: Ծրագրի շրջանակներում ձեռք բերված նոր սարքավորումները թույլ են տալիս որոշել գրունտների ֆիզիկամեխանիկական հատկություններն ու ամրության բնութագրերը: Հիմնվելով ստեղծված լաբորատոր բազայի վրա՝ բուհը միջազգային համագործակցություն է նախաձեռնել Մոսկվայի պետական շինարարական ինստիտուտի հետ՝ համատեղ գիտական հետազոտություններ իրականացնելու նպատակով: Ծրագրի շրջանակներում համալսարանը ձեռք է բերել լազերային հաստոցներ, որոնք կիրառական են ոչ միայն ուսումնագործնական ժամերին, այլև լայն կիրառություն ունեն տնտեսության մի շարք ոլորտներում: Դրանց կիրառությունը հնարավորություն է տալիս ամուր կապեր ստեղծել կրթության և արտադրության միջև: Իրականացվել է ճարտարապետական և շինարարական նյութագիտության, տեխնոլոգիաների ու կոնստրուկցիաների հիմնահարցերին առնչվող յոթ մասնագիտությունների կրթական ծրագրերի մշակման և վերանայման գործընթաց, ուսումնական ձեռնարկների տպագրություն: «Ճարտարապետական և շինարարական մասնագիտությունների ուսումնական ծրագրերի արդիականացումը՝ նորագույն տեխնոլոգիաներով հագեցած ուսումնագիտափորձարարական լաբորատորիայի ստեղծմամբ» ծրագրի և դրա արդյունքների մասին պատմող տեսանյութը կարող եք ներբեռնել հետևյալ հղմամբ՝ https://web.facebook.com/nuacauniversity/videos/444461346279466/?_rdc=1&_rdr

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...