Նորություններ

Ամփոփվեց ՆՄՀ դրամաշնորհային ծրագրերի մշտադիտարկումը բուհերում

13.02.2019

Փետրվարի 12-ին Հայաստանի բարձրագույն կրթության Նորարարությունների մրցակցային հիմնադրամի շրջանակներում ամփոփվեց ընթացիկ դրամաշնորհային ծրագրերի մշտադիտարկումը բուհերում: Վերջին հանդիպումը տեղի ունեցավ Շիրակի պետական համալսարանում (ՇՊՀ): Մշտադիտարկումն իրականացնում էին ԿԾԿ ԾԻԳ-ի ներկայացուցիչները: Խմբի անդամներին ողջունեց բուհի ռեկտորի ժամանակավոր պաշտոակատար Ե. Սերոբյանը: Նա ընդգծեց, որ այս դրամաշնորհային ծրագիրը լավ խթան է թե կրթության արդիականացման, թե մարզում բուհի հանրային նշանակության բարձրացման տեսանկյունից: Ե. Սերոբյանը նշեց, որ նմանօրինակ ծրագրերի իրականացումը նոր որակական հարթության վրա է տեղափոխում բուհի գործունեությունն ու նրա վարկանիշը: ՇՊՀ դրամաշնորհային ծրագրի ղեկավար Հովիկ Մելքոնյանը ԿԾԿ ԾԻԳ-ի ներկայացուցիչներին ծանոթացրեց ՆՄՀ շրջանակներում իրականացվող <<Շիրակի պետական համալսարանի հզորացման և կրթական ծառայությունների բազմազանեցման միջոցով տարածաշրջանային համաչափ զարգացման ապահովում>> դրամաշնորհային ծրագրի ընթացիկ աշխատանքներին: Ծրագրի շրջանակներում ՇՊՀ-ում ստեղծվել է անհրաժեշտ նյութատեխնիկական բազայով ապահովված՝ լրացուցիչ և շարունակական կրթության կենտրոն՝ իր 2 ռեսուրս-կենտրոններով, ինչպես նաև արդիականացվում է կրթական գործընթացը՝ <<Ներառական կրթության կազմակերպում>> և <<Կայուն տուրիզմի զարգացում և մարզամշակութային միջոցառումների կազմակերպում>> պարտադիր դասընթացների մշակման ու ներդրման միջոցով: ՇՊՀ դրամաշնորհային ծրագրի ղեկավարի ուղեկցությամբ ներկաները շրջեցին բուհի տարածքում, եղան ռեսուրս կենտրոններում և հանդիսությունների դահլիճում, ծանոթացան ծրագրի իրականացման ընթացքին: ԾԻԳ-ի ներկայացուցիչներն ամրագրեցին, որ ծրագրի շրջանակներում ձեռք բերված մարզասարքերը, որոնց մատակարարումն իրականացվել է ծրագրի նախորդ փուլերում, տեղադրված են մարզադահլիճում: Հ. Մելքոնյանը խոսեց մասնագիտական սարքավորումների կարևորության մասին՝ փաստելով, որ դրանք կնպաստեն բուհի կողմից մատուցվող հանրային ծառայությունների շարքի ընդլայնմանը: Նշենք նաև ՝ ծրագրի շրջանակներում ձեռք բերված համակարգչային տեխնիկան, ըստ անհրաժեշտության, ամբողջությամբ տեղադրված էր երկու ռեսուրս-կենտրոններում և դահլիճում: Ներկաները հանդիպումը շարունակեցին ռեսուրս կենտրոնում, որտեղ քննության առան դրամաշնորհային ծրագրով նախատեսված հետագա աշխատանքների կազմակերպմանն առնչվող հարցեր: Հանդիպման առանցքում կրթական բովանդակության արդիականացման, մասնագիտական կրթական ծրագրերի վերանայման աշխատանքների հետ կապված հարցերն էին: Նշենք, որ, ծրագրի շրջանակներում որպես ուսուցման մեթոդ զարկ է տրվում հեռաուսուցման համակարգված ներդրմանը, որի շրջանակներում իրականացվել են <<Ներառական կրթության կազմակերպում>> դասընթացների համապատասխան նյութերի մշակումները և հեռաուսուցման ներդրմանն ուղղված վերապատրաստումները, որոնք ամփոփվել են փետրվարի 8-ին: Դրամաշնորհային ծրագրի ղեկավարի հավաստմամբ, ստեղծվող ենթակառուցվածքի հնարավորություններն ուսումնական գործընթացում լավագույնս օգտագործելու նպատակով, ծրագրի ավարտին նախատեսվում են մասնագիտական կրթական ծրագրերի վերանայման աշխատանքներ: ՇՊՀ դրամաշնորհային ծրագրի ղեկավարը փաստեց, որ երկու ռեսուրս կենտրոնները և դահլիճը ծառայում են թիմային նախագծեր, հանդիպումներ, էլեկտրոնային ուսումնաօժանդակ նյութեր պատրաստելուն և օգտագործվում են ամենօրյա հաճախականությամբ: Նրա հավաստմամբ 2018թ.-ի ընթացքում դահլիճում տեղի են ունեցել 100-ից ավելի միջոցառումներ: Ներկաները փաստեցին, որ նյութատեխնիկական բազայի հարստացումը, կրթական նոր բովանդակության ստեղծումը և հեռաուսուցման մեթոդի ներդրումը կնպաստեն բուհի հզորացմանը և վարկանիշի բարձրացմանը:

 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...