Նորություններ

Հայաստանի ֆիզիկական կուլտուրայի եվ սպորտի պետական ինստիտուտում մեկնարկեցին աշխատաժողովի աշխատանքները

03.10.2017

«Կրթության բարելավում» ծրագրի համատեքստում հոկտեմբերի 2-ին Աղվերանում մեկնարկեցին աշխատաժողովի աշխատանքները, որն իրականացվում է Հայաստանի բարձրագույն կրթության նորարարությունների մրցակցային հիմնադրամի (ՆՄՀ) «Ֆիզիկական կուլտուրայի և սպորտի ոլորտում մասնագիտական կրթության արդիականացում և բարելավում» դրամաշնորհային ծրագրի շրջանակներում: Հիշեցնենք, որ այս դրամաշնորհային ծրագրի շրջանակներում նախատեսվում է բուհի կարողությունների հզորացմանը միտված ֆիզիկական կուլտուրայի և սպորտի ժամանակակից գիտահետազոտական կենտրոնի ստեղծում՝ ինտերակտիվ լսարանով և առցանց խորհրդակցությունների ու սեմինարների համար նախատեսված դահլիճով: Աշխատաժողովի գլխավոր հյուրեր են միջազգային փորձագետներ, Լատվիայի Սպորտի ակադեմիայի պրոֆեսոր Ալեքսանդրա Կուպրիկան և նույն համալսարանի Մենեջմենտի և հաղորդակցության բաժնի տնօրեն Սիգնե Լուկան: Աշխատաժողովին մասնակցում է բուհի պրոֆեսորադասախոսական կազմը: ՀՖԿՍՊԻ-ի Որակի ապահովման բաժնի պետ, «Ֆիզիկական կուլտուրայի և սպորտի ոլորտում մասնագիտական կրթության արդիականացում և բարելավում» ծրագրի ղեկավար Արայիկ Գյոզալյանի խոսքով՝ սեմինարի նպատակն է թիրախավորել բուհի կարիքները, քննարկել ներկայումս բուհում ընթացող բարեփոխումները` զարգացնելով միջազգայնացման, ուսանողների և դասախոսական կազմի շարժունության ծրագրերը: Վերապատրաստման գործընթացներին կհաջորդեն ինստիտուտի գիտահետազոտական կենտրոնը նորագույն հետազոտական տեխնիկայով և սարքավորումներով վերազինելու աշխատանքները, ինչը հնարավորություն կտա ձեռք բերված փորձն ու հետազոտական կարողությունները տեղայնացնել: Լատվիայի համալսարանի պրոֆեսոր Ա. Կուպրիկան ներկայացրեց ֆիզիկական դաստիարակության և կրթության ոլորտի զարգացման հիմնական ուղենիշները: Աշխատաժողովի առաջին օրվա աշխատանքները ամփոփվեցին խմբային քննարկումներով: Աշխատաժողովը կշարունակի աշխատանքները հոկտեմբերի 3-ին և 4-ին : 

Նորություններ

28.10.2026 Տավուշի մարզում շարունակվում են ԲՏՃՄ առարկաների ուսուցիչների մասնագիտական վերապատրաստումները Ժամանակակից լաբորատոր սարքավորումների արդյունավետ կիրառումը, գործնական ուսուցման զարգացումը և հետազոտահեն մեթոդների ներդրումը դպրոցական կրթության արդիականացման կարևոր նախապայմաններից են։ Այս ուղղությամբ իրականացվող աշխատանքների շրջանակում Տավուշի մարզում կազմակերպվել են ԲՏՃՄ առարկաների ուսուցիչների մասնագիտական վերապատրաստումներ՝ նպատակ ունենալով զարգացնել մանկավարժների մասնագիտական կարողությունները և աջակցել ժամանակակից կրթական գործիքների արդյունավետ կիրառմանը դասավանդման գործընթացում:... 26.10.2026 Երևանում շարունակվում են ԲՏՃՄ առարկաների ուսուցիչների վերապատրաստումները Ժամանակակից լաբորատորիաներ, գործնական ուսուցում և նոր մեթոդական մոտեցումներ․ Երևանում շարունակվում են ԲՏՃՄ առարկաների ուսուցիչների վերապատրաստումները՝ նպատակ ունենալով ապահովել դպրոցներում ներդրվող լաբորատոր սարքավորումների արդյունավետ կիրառումը և նպաստել ուսուցման որակի բարձրացմանը։ ՀՀ հանրակրթական ուսումնական հաստատություններում շարունակվում է ԲՏՃՄ և ՏՀՏ ուղղություններով ժամանակակից ինժեներական լաբորատորիաների ներդրման գործընթացը։ Դպրոցներում ստեղծվող նոր հնարավորությունները լիարժեք... 23.10.2026 Երևանում շարունակվում են ԲՏՃՄ առարկաների ուսուցիչների մասնագիտական վերապատրաստումները Գործնական հմտությունների զարգացում, հետազոտահեն ուսուցում և ժամանակակից կրթական մեթոդներ․ Երևանում շարունակվում է ԲՏՃՄ առարկաների դասավանդման արդիականացմանն ուղղված վերապատրաստումների հերթական փուլը: Հոկտեմբերի 19-ին Երևանում մեկնարկել է բնագիտական, տեխնոլոգիական, ճարտարագիտական և մաթեմատիկական (ԲՏՃՄ) առարկաներ դասավանդող ուսուցիչների վերապատրաստումների հերթական փուլը։ Դասընթացներն անցկացվում են Երևանի թիվ 122 հիմնական և Երևանի Արտաշես Շահինյանի անվան ֆիզիկամաթեմատիկական մասնագիտացված...